1 Samueli 14:7 - Baibuli Ekibono kya Katonda 2014

⁷ Ole eyamugemeranga eby'okulwanisa yaamukoba ati: “Kola ekikuli ku mwoyo. Bona eno, nze ndi ghalala n'iwe.”

1 Samueli 14:7 ပူးပေါင်းရင်းမြစ်များ

2 Samueli 15:15

Abagheereza ba kyabazinga baamukoba bati: “Isebantu kyabazinga, ife abagheereza bo tuli beetegefu okukola kyonakyona iwe musengwa waife ky'onaaba ng'osazeegho.”

2 Samueli 7:3

Nathani yaamwiramu ati: “Ja okole byonabyona ebikuli ku mwoyo, kuba Musengwa Katonda ali niiwe.”

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Abalamuzi 9:54

Agho Abimeleki yaayangugha okweta omwisuka eyamugemeranga eby'okulwanisa bye, yaamulagira ati: “Sowolayo empiima yo ondhite, abantu balobenga kundhogeraku bati mukazi n'eyandhita.” Kale omwisuka yaamufumita yaafa.

1 Samueli 10:7

Obumanhiso obwo bwe bunaakutuukaku, iwe kola bukole kyonakyona ky'osobola okukola, kuba Musengwa Katonda ali ghalala n'iwe.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

1 Samueli 14:8

Yonathani yairamu ati: “Kale, twidha kusomoka tuje y'abasaadha abo batubone.