1 Samueli 14:47 - Baibuli Ekibono kya Katonda 2014

⁴⁷ Saulo bwe yamala okufuuka kyabazinga wa Isiraeli, yalwanisa abazigu be ku ndhuyi dhoonadhoona: Yalwanisa Abamoabu, n'Abammoni, n'Abaedomu, ni bakyabazinga b'e Zoba, era n'Abafilisiti. Buli be yalwanisanga ng'abaghangula.

1 Samueli 14:47 ပူးပေါင်းရင်းမြစ်များ

Amainhama 19:37

Omukulu yaazaala omwana mulenzi, yaamutuuma eriina Moabu. Oyo ni dhaadha ow'Abamoabu okutuusa ni mpegaano.

Amainhama 19:38

Omuto yeena yaazaala omwana mulenzi, yaamutuuma eriina Benammi. Oyo ni dhaadha ow'Abammoni okutuusa ni mpegaano.

Amainhama 36:1

Bano ni baidhukulu ba Esau, era ayetebwa Edomu.

Amainhama 36:19

Abo ni baidhukulu ba Esau, ayetebwa Edomu, era abakulu b'ebika ebimusimukamu.

Amainhama 36:8

Kale, Esau, era ayetebwa Edomu, yaabanga mu Seiri ensi ey'ensozi.

2 Samueli 1:22

Akalaso ka Yonathani tikairanga, nga tikasaabaine musaayi gwa bafiire era nga tikafumiite masavu ga b'amaani; n'empiima ya Saulo tiyairiranga agho bwereere.

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

2 Samueli 8:3

Bwe yamala yaaghangula kyabazinga w'e Zoba ng'ayetebwa Hadadezeri mutabane wa Rehobu. Hadadezeri oyo yali ali kuja okweiriza ebiketezo bye ebyali bimudheemyeku ku mwiga Eufurate.

1 Bakyabazinga 11:23

Agho Katonda yaasiikuulira Solomoni omuzigu owundi, nga ni Rezori mutabane wa Eliada. Rezori oyo yalumuka ku musengwa we Hadadezeri, kyabazinga w'e Zoba.

2 Bakyabazinga 14:27

Aye Musengwa Katonda tiyayenda kusaaniagho Baisiraeli kubamalagho ku nsi. Kyeyava n'abawonia ng'abita mu Yeroboamu owokubiri mutabane wa Yehoashi.

1 Samueli 12:2

Mperaano wuuyo aidha kubakulemberanga. Nze ndi mukaire ow'envu, era mubona batabane bange abali n'imwe. Nze mbakulembeire okuva nga ndi mwisuka okutuusa ni ye buli eno.

1 Samueli 13:1

Saulo yali ng'agheza emyaka…egy'obukulu ghe yatoolerera okufuga, era yaafugira Isiraeli emyaka …n'ebiri.

1 Samueli 14:46

Ebyo bwe byawa, Saulo yaalekera agho okubingirira Abafilisiti, era Abafilisiti abo bairayo ewaibwe.

1 Samueli 14:52

Ghaabangagho okulwanagana okw'amaani n'Abafilisiti, ekiseera kyonakyona kyabazinga Saulo kye yamala nga mulamu. Era Saulo buli lwe yabonanga omuntu ow'amaani oba aziramu ntete, ng'amwingiza mu igye lye.

1 Samueli 21:7

Ku lunaku olwo, ghaaligho owundi ku bagheereza ba Saulo, ng'ali n'ensonga emusigaiza mu maiso ga Musengwa Katonda. Eriina lye nga ni Doegi, eyava mu Edomu era ng'akulira abaayi ba Saulo.