1 Samueli 14:45 - Baibuli Ekibono kya Katonda 2014

⁴⁵ Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 14:45 ပူးပေါင်းရင်းမြစ်များ

2 Samueli 14:11

Omukazi yaakoba ati: “Nkweghemba Isebantu kyabazinga, osabe Musengwa Katonda wo, alobere oyo ayenda okwesasuuza olw'ole ye baita, alobe kweyongera kwita. Olwo mutabane wange awone okuzikirizibwa.” Kyabazinga yaamukoba ati: “Ndayira Musengwa Katonda omulamu, nti mutabane wo tibaidha kumutuusaaku kabi waire akatono kati.”

1 Bakyabazinga 1:52

Solomoni yairamu ati: “Bw'aneebisa obukalamu, ghazira luviiri waire olulala lwe baidha kwigha mu mutwe gwe. Aye bwe balimuzuula nga yeebisa bubi, balimwita.”

2 Ebyomubyanda 19:11

Era bona eno, Amaria Kabona Omukulu n'aidha okubalabiriranga mu byonabyona ebigemagana ni Musengwa Katonda. Ate Zebadia mutabane wa Ishimaeli akulira endhu ya Yuda, n'aidha okubalabiriranga mu ebyo ebigemagana ni kyabazinga. Olwo Abalevi bavunaanizibwenga okubona ng'ebinaabanga bisaliibwagho bituukirizibwa. Mubenga bagumu nga mukola omulimo ogwo, era Musengwa Katonda abenga ghalala n'abo abeesimbu.”

Nehemia 9:27

Kye wava n'obaghaayo mu ngalo edh'abazigu baibwe, abaabadaazadaaza. Nga bali mu kudaagadaaga batyo, baakulirira, waabawulira ng'oli mu igulu. Era olw'okusaasira kwo okungi einho, waabagheerezanga abanunuzi abaabanunulanga okuva mu ngalo dh'abazigu baibwe.

Isaia 13:3

Nze Musengwa Katonda mwene ninze ndagiire abalonde bange, abalwani bange abo ab'amaani mbeese okubonereza abo be nsungughaliire.”

Matayo 10:30

Aye imwe n'enviiri edh'oku mitwe gyaimwe dhoonadhoona mbale.

Luka 21:18

Aye ghazira luviiri lwa ku mutwe gwaimwe luja kuzikirira.

Ebikolwa by'Abatume 14:27

Bwe baatuuka mu Antiokia baasoloza Ekikunsu ky'Abaikiriza mu Kurisito, baabakobera byonabyona Katonda bye yabakozesa era nga bw'alaze abamaghanga agandi engira ey'okwikiriza.

Ebikolwa by'Abatume 15:12

Agho abaali mu lwekobaano boonaboona baasirika baawulirisa Barunaba ni Paulo nga babalomboodhera obumanhiso n'ebyewuninkiriza byonabyona Katonda bye yabakozesa mu bamaghanga agandi.

Ebikolwa by'Abatume 21:19

Paulo bwe yamala okubalamusa, yaabakobera byonabyona Katonda bye yamukozesa mu bamaghanga agandi.

Ebikolwa by'Abatume 27:34

Mbeeghembye, mulye ku mere mulobe kufa ndhala, kuba ghazira kabi kanaabatuukaku.”

Ab'e Roma 15:18

Ndidha kuguma ndhogere ku ebyo byonka Kurisito bye yankolera okusobozesa abamaghanga agandi okugondera Katonda. Yakozesa ebibono byange n'ebikolwa byange

1 Ab'e Korintho 3:9

Kuba ife, Katonda tuli bakozi baine era imwe muli nimiro ya Katonda. Kabiri muli kizimbe kya Katonda.

2 Ab'e Korintho 6:1

Nga tukolera ghalala ni Katonda, tubeeghembye ekisa Katonda kye yabagemerwa mutakireka kufa busa.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.

1 Samueli 11:13

Aye Saulo yaakoba ati: “Ghazira muntu waire omulala anaitibwa olwaleero, kuba luno n'olunaku Musengwa Katonda lw'anunuliireku Isiraeli.”

1 Samueli 14:23

Olutalo lwaja, lwatuuka e Bethaveni n'okubisaagho. Atyo Musengwa Katonda yaawonia Isiraeli ku lunaku olwo.

1 Samueli 14:46

Ebyo bwe byawa, Saulo yaalekera agho okubingirira Abafilisiti, era Abafilisiti abo bairayo ewaibwe.

1 Samueli 19:5

Yata obulamu bwe aghabi, yaaja yaita Omufilisiti ole, olwo Musengwa Katonda yaatuusa Isiraeli ku bughanguzi obw'amaani. Era ekyo bwe wakibona wasagamba. Kale lwaki oyenda okukola akabi ku muntu aziraku musango, ng'oita Daudi aghazira nsonga?”