1 Samueli 14:40 - Baibuli Ekibono kya Katonda 2014

⁴⁰ Agho yaakoba Abaisiraeli boonaboona ati: “Imwe mube ku luuyi olundi, ate nze ni mutabane wange Yonathani tube ku lundi.” Abantu baamwiramu bati: “Kola ekyo ky'obona nga n'ekirungi.”

1 Samueli 14:40 ပူးပေါင်းရင်းမြစ်များ

2 Samueli 15:15

Abagheereza ba kyabazinga baamukoba bati: “Isebantu kyabazinga, ife abagheereza bo tuli beetegefu okukola kyonakyona iwe musengwa waife ky'onaaba ng'osazeegho.”

1 Samueli 1:23

Elukana yaamwiramu ati: “Kale kola ky'obona nga n'ekigwaine, okutuusa lw'alikula n'ava ku mabeere. Aye nsaba Musengwa Katonda akakase ekibono kye.” Kale Hanna yaasigala ghaka ng'alera omwana we okutuusa bwe yakula naava ku mabeere.

1 Samueli 14:36

Agho Saulo yaakoba ati: “Mukole tuje tulumbe Abafilisiti obwire, tubanhage ebintu okutuusa bwe bunaakya, era tubaite boonaboona tubamalegho.” Baamwiramu bati: “Kola kyonakyona ky'obona nga n'ekirungi.” Aye kabona yaakoba ati: “Leka twebuuzeeku ku Katonda memale.”

1 Samueli 14:39

Ndayira Musengwa Katonda omulamu alokola Isiraeli nti, ekibi ekyo ni bwe kiba nga kikoleibwa mutabane wange Yonathani, bwenebwene aidha kwitibwa.” Aye mu bantu boonaboona ghazira yamwiramu.

1 Samueli 14:41

Saulo yaasaba ati: “Wo Musengwa Katonda, Katonda wa Isiraeli, lwaki tondhizeemu olwaleero luno, nze omugheereza wo? Bwemba nga ninze ndiku omusango guno oba mutabane wange Yonathani, ndhiraamu ng'obita mu Urimu. Aye bwe baba ng'abantu bo Abaisiraeli n'abaliku omusango guno, ndhiraamu ng'obita mu Thummimu.” Agho kyazuuka nga Yonathani ni Saulo n'abaliku omusango ogwo, aye abantu baawona.

1 Samueli 14:7

Ole eyamugemeranga eby'okulwanisa yaamukoba ati: “Kola ekikuli ku mwoyo. Bona eno, nze ndi ghalala n'iwe.”