1 Samueli 14:36 - Baibuli Ekibono kya Katonda 2014

³⁶ Agho Saulo yaakoba ati: “Mukole tuje tulumbe Abafilisiti obwire, tubanhage ebintu okutuusa bwe bunaakya, era tubaite boonaboona tubamalegho.” Baamwiramu bati: “Kola kyonakyona ky'obona nga n'ekirungi.” Aye kabona yaakoba ati: “Leka twebuuzeeku ku Katonda memale.”

1 Samueli 14:36 ပူးပေါင်းရင်းမြစ်များ

Zabbuli 73:28

Aye nze nkibona nga kikalamu inho okuba ni Katonda, era nasalagho Musengwa Katonda abe omukuumi wange, olwo nkoberenga abantu byonabyona by'akola.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Yeremia 6:5

Muleke twidha kusitukiramu tukirumbe obwire, tuzikirize ebifo byakyo eby'okwewogomamu.”

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

Yoshua 10:19

Aye imwe mutasigala agho, muje mu maiso n'okubingirira abazigu, mubave einhuma mubagweku, era timubaganha kungira mu bibuga byaibwe. Musengwa Katonda waimwe ababaghaire mwidha kubaghangula.”

Yoshua 11:14

Ebintu byonabyona Abaisiraeli bye baanhaga mu bibuga ebyo era n'ebyayo, baabyetwalira, aye abantu boonaboona nga babaita aghazira kulekagho naire mulala nga mulamu.

1 Samueli 1:23

Elukana yaamwiramu ati: “Kale kola ky'obona nga n'ekigwaine, okutuusa lw'alikula n'ava ku mabeere. Aye nsaba Musengwa Katonda akakase ekibono kye.” Kale Hanna yaasigala ghaka ng'alera omwana we okutuusa bwe yakula naava ku mabeere.

1 Samueli 11:11

Agho ku lunaku olwairirira, Saulo yaagabaniamu abantu be mu bikunsu bisatu. Baalumba Abammoni mu kifo ghe baasimba weema dhaibwe, baabaita okutuusa mu kasana ghagati. Abaawonagho baalumuka, nga buli muntu ali ku lulwe aghazira kusigala na mwine.

1 Samueli 14:3

Era Saulo oyo yali ng'ali ghalala ni Ahiya mutabane wa Ahitubu era muganda wa Ikabodi. Ikabodi oyo nga mutabane wa Finehasi, ate Finehasi oyo yaaba mutabane wa Eli kabona wa Musengwa Katonda e Shilo. Ahiya oyo yali avaire ekivaalo eky'obwakabona. Abantu tibaamanha nga Yonathani ajiire.