1 Samueli 14:35 - Baibuli Ekibono kya Katonda 2014

³⁵ Saulo yaazimbira agho Musengwa Katonda alutaari. Eyo n'alutaari Saulo oyo ye yasooka okuzimbira Musengwa Katonda.

1 Samueli 14:35 ပူးပေါင်းရင်းမြစ်များ

2 Samueli 24:25

Era yaazimbira agho Musengwa Katonda alutaari yaagheerayo ebigheebwayo ebyokebwa n'ebigheebwayo olw'okutabagana. Kale Musengwa Katonda yaabagha bye baasabira ensi era yaalekeza n'ekibamba ekyali kiri kwita abantu mu Isiraeli.

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

2 Timotheo 3:5

abeeyeta Abakurisito aye nga tibenda Bukurisito kubafuga. Weesambenga abantu ng'oti n'abo.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

Abalamuzi 21:4

Ku lunaku olwairaku ku nkyo, abantu baazimba alutaari, baaghaayo ebigheebwayo ebyokebwa n'ebigheebwayo olw'okutabagana.

Abalamuzi 6:24

Gideoni yaazimbira Musengwa Katonda alutaari mu kifo ekyo, yaagituuma eriina: “Musengwa Katonda oyo n'emiraala.” N'okutuusa mpegaano alutaari eyo ekaali mu Ofura ekya Ababiezeri.

1 Samueli 14:34

Era yaakoba ati: “Muje mu bantu mubakobe, buli muntu aleete ghano ente ye oba entaama ye, agiitire ghano era agiriire ghano. Mulekere agho okukola ekibi eri Musengwa Katonda nga mulya emamba erimu omusaayi.” Kale abantu boonaboona baakola batyo. Buli muntu yaaleeta ente ye yaagiitira agho obwire obwo.

1 Samueli 7:12

Agho Samueli yatoola eibaale yaalisimba ghagati wa Mizipa ni Sheni, yaalituuma eriina Ebenezeri ng'akoba ati: “Musengwa Katonda atuyambye okutuusa mperaano.”

1 Samueli 7:17

Bwe yamalanga, yairayo e Rama, n'eyabanga amaka ge. Era eyo yoona yaalamulirangayo Abaisiraeli, era yaazimbirayo Musengwa Katonda alutaari.

1 Samueli 7:9

Kale Samueli yaatoola entaama ekaayonka yaagiita, yaagighaayo eri Musengwa Katonda ng'ekigheebwayo ekyokebwa kyonakyona ni kiwaagho. Samueli oyo yaalirira Musengwa Katonda ku lwa Isiraeli, era Musengwa Katonda yaamwiramu.