1 Samueli 14:28 - Baibuli Ekibono kya Katonda 2014

²⁸ Aye ghaabaagho omuntu eyamukoba ati: “Lata wo asikiriire abantu n'ekikolimo ng'akoba ati, ‘Omuntu yeenayeena anaalya emere olwaleero luno, akolimirwe.’ ” Abantu boonaboona baali nga bawoiremu amaani.

1 Samueli 14:28 ပူးပေါင်းရင်းမြစ်များ

1 Samueli 14:24

Agho Abaisiraeli baaba bubi ku lunaku olwo, kuba Saulo yabalayiza ng'akoba ati: “Omuntu yeenayeena anaalya ng'eigulo likaali era nga nkaali kumala kwesasuuliza ku bazigu bange, akolimirwe.” Kale ghaabulagho akomba ku kamere waire omulala.

1 Samueli 14:27

Aye Yonathani yali tawuliire ise ng'asikirira abantu n'ekirayiro. Kale yaatoola omwigo gwe yali agemye, yaagusonka mu bisasala by'endhuki, yaagutoolesaayo omudheenene yaagulya, yairamu amaani.

1 Samueli 14:29

Yonathani yairamu ati: “Lata wange aleeteire abantu kudaagadaaga budaagedaage. Bona nze bwe ndhizeemu amaani olw'okulyaku obw'akatono ku mudheenene guno.

1 Samueli 14:43

Agho Saulo yaakoba Yonathani ati: “Nkobera kye wakoze.” Yonathani yairamu ati: “Nakombye ku mudheenene gw'endhuki, gwe natooziizaayo omwigo ogwambaire mu ngalo. Ndhikiriiza, ndidha kufa.”