1 Samueli 14:24 - Baibuli Ekibono kya Katonda 2014

²⁴ Agho Abaisiraeli baaba bubi ku lunaku olwo, kuba Saulo yabalayiza ng'akoba ati: “Omuntu yeenayeena anaalya ng'eigulo likaali era nga nkaali kumala kwesasuuliza ku bazigu bange, akolimirwe.” Kale ghaabulagho akomba ku kamere waire omulala.

1 Samueli 14:24 ပူးပေါင်းရင်းမြစ်များ

Zabbuli 18:47

Katonda oyo anwaniragho n'abazigu bange, yampangulira amaghanga n'agafuga,

Ensambo 11:9

Omuntu atatya Katonda by'ayogera bighanga okuzikiriza muntu mwine, aye omutuufu amagezi gamuwonia okugwa mu bizibu.

Abalevi 27:29

Ni bw'anaabanga omuntu taanunulwenga, kasita anaabanga ng'amaze okufuukira irala owa Musengwa Katonda, anaitibwanga bwitibwe.

Abalevi 5:4

Omuntu bw'anaayanguyirizanga okweyama okukola ekintu ekirungi oba ekibi, nga tataireyo mwoyo ng'abantu bwe bakola, anaabangaku omusango amangu geene ng'ategeire ky'akoze.

Okubala 21:2

Abaisiraeli beeyama eri Musengwa nga bakoba bati: “Bw'onaatugha okughangula abantu bano, twidha kuzikiriza ebibuga byaibwe tubimaliregho irala.”

Okubala 5:21

Musengwa Katonda afuulenga eriina lyo mu bantu okuba ekikolimo, era aleeterenga omugulu gwo okukutukaku, ozimbezimbe.

Ab'e Roma 10:2

Nkakasa nti benda inho okukola Katonda by'ayenda aye okwenda kwaibwe kuziramu kumanha kutuufu.

1 Ab'e Korintho 16:22

Oyo yeenayeena atagonza Musengwa alaamibwe. Musengwa idha!

Yoshua 6:26

Mu kiseera ekyo, Yoshua yaalabula abantu ng'abasikirira ati: “Oyo yeenayeena aligezaaku okwiramu okuzimba ekibuga Yeriko, Musengwa Katonda amukolimire. ‘Era Musengwa Katonda, oyo amwitengaku abaana be boonaboona, okuva ku muberi okutuuka ku esembayo obuto.’

Abalamuzi 1:28

Abaisiraeli ni bwe beeyongera okuba ab'amaani tibaabingamu Bakanaani boonaboona kubamalamu aye baabakakanga bwa kubakolera mirimo.

Abalamuzi 5:2

Musaake Musengwa Katonda, kuba abakulembeze mu Isiraeli baali bamalirivu okulwana, n'abantu beeghaayo ekyeyendere!

1 Samueli 14:25

Abantu boonaboona baatuuka mu kibira, baayagaana nga mulimu omudheenene ogw'endhuki.

1 Samueli 14:39

Ndayira Musengwa Katonda omulamu alokola Isiraeli nti, ekibi ekyo ni bwe kiba nga kikoleibwa mutabane wange Yonathani, bwenebwene aidha kwitibwa.” Aye mu bantu boonaboona ghazira yamwiramu.

1 Samueli 18:25

Agho Saulo yaabakoba ati: “Muje mukobe Daudi muti, ‘Kyabazinga taidha kusala mwandu ku mugole, okutoolaku obuwutu kikumi obukeketeibwa ku Bafilisiti. Olwo kyabazinga abe nga yeesasuuliiza ku bazigu be abo.’ ” Saulo yalowooza ati Abafilisiti baidha kwita Daudi.