1 Samueli 14:14 - Baibuli Ekibono kya Katonda 2014

¹⁴ Ku mukuzi ogwo ogwasooka, Yonathani n'eyamugemerangaku eby'okulwanisa baita abantu ng'oti makumi abiri mu kiketezo ekigheza ekitundu ky'eyiika.

1 Samueli 14:14 ပူးပေါင်းရင်းမြစ်များ

2 Samueli 17:9

Bona eno, ni saawa eno yeene aghanga okuba nga yeegisiisa mu biina oba okwegisa aghantu aghandi. Era ku bantu abaife bwe kunaabaaku abafa mu lulumba olusooka, kiisi anaakiwulira aidha kukoba ati, ‘Abantu ab'oku luuyi lwa Abusalomu baitiibwa inho.’

Abalamuzi 15:15

Agho Samusoni yaabona eigumba ery'oluba olw'endogoyi eyali yaakafa nga liri agho, yaalironda, yaaliitisa abasaadha lukumi (1,000).

Abalamuzi 9:54

Agho Abimeleki yaayangugha okweta omwisuka eyamugemeranga eby'okulwanisa bye, yaamulagira ati: “Sowolayo empiima yo ondhite, abantu balobenga kundhogeraku bati mukazi n'eyandhita.” Kale omwisuka yaamufumita yaafa.

1 Samueli 14:13

Agho Yonathani yaaniina nga yeeghaluliza ku mikono ni ku magulu, yaaja Abafilisiti ye baali. Eyamugemeranga eby'okulwanisa yaamunonereza. Yonathani yaabaita inho. N'eyamugemerangaku eby'okulwanisa yeena yaabaita ng'amuvaaku einhuma.

1 Samueli 14:15

Abafilisiti abaali mu kifo we baasimba weema dhaibwe, n'abaali mu nimiro, era n'abandi boonaboona, baadhugumira olw'okutya. Abalwani abaali mu nkambi, n'abo abaajanga okunhaga, baadhugumira. Ensi yaatengeeta, buli ghantu ghaidhula ensisi ey'amaani.