1 Samueli 14:12 - Baibuli Ekibono kya Katonda 2014

¹² Agho baayeta Yonathani n'ole eyamugemeranga eby'okulwanisa nga bakoba bati: “Mwidhe eno ye tuli ghaligho kye twidha okubooleka.” Yonathani yaakoba eyamugemeranga eby'okulwanisa ati: “Nnonereza, kuba Musengwa Katonda abagabwire mu ngalo dha Isiraeli.”

1 Samueli 14:12 ပူးပေါင်းရင်းမြစ်များ

Amainhama 24:42

“Bwe ntuuse ku nsulo olwaleero, naakoba nti: Wo Musengwa Katonda, iwe Katonda wa musengwa wange Aburahamu, nkweghembye mpa enkabi mu lugendo luno.

Amainhama 24:48

Agho naakuba amakiryaivu, naasinza Musengwa Katonda. Naasaaka Musengwa Katonda oyo, Katonda wa musengwa wange Aburahamu, eyandholeka engira entuufu, ni nfunira omwana we omukazi ku baana ab'owoluganda lwe.

2 Samueli 5:24

Bw'onaawulira empindo edh'abali kukumba, nga dhiviira ghaigulu ku miti emibalisamu egyo, ng'olwo obalumba. Olwo nze Musengwa Katonda nnaaba nkwesooseeyo emberi okughangula eigye ery'Abafilisiti eryo.”

2 Bakyabazinga 14:8

Agho Amazia yaatuma abakwenda eri kyabazinga Yehoashi owa Isiraeli, mutabane wa Yehoahazi era mwidhukulu wa Yehu, ng'akoba ati: “Idha twagaanane, tulinzaganie obweni.”

Abalamuzi 4:14

Debora yaakoba Baraki ati: “Situkiramu, oje. Musengwa Katonda akukulembeiremu. Olwaleero akughaire okughangula Sisera.” Agho Baraki yaaserengeta olusozi Tabori, ghalala n'abasaadha be omutwalo omulala.

Abalamuzi 7:14

Mwine yaamwiramu ati: “Eyo n'empiima ya Gideoni, mutabane wa Yoashi, Omuisiraeli! Ghazira kindi kabiri ekyo kye kisobola kutegeeza. Katonda amughaire okughangula ensi Midia n'eigye lyaife lyonalyona.”

Abalamuzi 7:15

Gideoni bwe yawulira ekirooto ky'omusaadha oyo n'amakulu gaakyo, yaasinza Katonda. Era yairayo ku weema dh'Abaisiraeli, yaabakoba ati: “Musituke! Musengwa Katonda abaghaire okughangula eigye ly'e Midia.”

Abalamuzi 9:54

Agho Abimeleki yaayangugha okweta omwisuka eyamugemeranga eby'okulwanisa bye, yaamulagira ati: “Sowolayo empiima yo ondhite, abantu balobenga kundhogeraku bati mukazi n'eyandhita.” Kale omwisuka yaamufumita yaafa.

1 Samueli 14:10

Aye bwe banaakoba bati, ‘Mwidhe ye tuli’, olwo twidha kuja, kuba ako n'akanaaba akamanhiso akatwoleka nga Musengwa Katonda abagabwire mu ngalo dhaife.”

1 Samueli 14:13

Agho Yonathani yaaniina nga yeeghaluliza ku mikono ni ku magulu, yaaja Abafilisiti ye baali. Eyamugemeranga eby'okulwanisa yaamunonereza. Yonathani yaabaita inho. N'eyamugemerangaku eby'okulwanisa yeena yaabaita ng'amuvaaku einhuma.