1 Samueli 13:7 - Baibuli Ekibono kya Katonda 2014

⁷ Abandi ku Baisiraeli baabitira mu kifo omwiga Yorudani ghe gusomokerwa, baingira mu kiketezo kya Gadi n'ekya Gileadi. Saulo yali akaali e Giligali. Abantu boonaboona baamunonereza nga bali kudhugumira.

1 Samueli 13:7 ပူးပေါင်းရင်းမြစ်များ

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Amateeka Agokubiri 20:8

“Abakulu mu igye era baneeyongeranga okukoba abalwani bati, ‘Ghano ghaligho omuntu atiire ng'awoiremu omwoyo? Bw'aba ng'aligho, aireyo eka kuba tomanha bw'amala mu baine mwoyo.’

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 3:12

Musa yaakoba Abaisiraeli ati: “Bwe twanhaga ensi eno mu biseera ebyo, nagabira Abareubeni n'Abagadi ekiketezo ekiva ku Aroeri, ekiri ku mugo gw'ekiiko Arunoni, n'ekitundu eky'ekiketezo eky'ensi ey'ensozi edhiri e Gileadi, n'ebibuga byamu.

Yoshua 13:11

Era kyatwalizaamu Gileadi n'ekiketezo eky'Abageshuri, n'eky'Abamaka, n'olusozi Herimoni lwonalwona, ni Bashani yeenayeena okutuuka e Saleka.

Yoshua 13:8

Ebika bino: eky'Abareubeni, n'eky'Abagadi, n'ekitundu eky'ekika eky'Abamanasse, byali byamala okufuna ekiketezo Musa omugheereza wa Musengwa Katonda kye yabigha, nga kiri e buvandhuba wa Yorudani.

Abalamuzi 7:3

Mpegaano ni, langirira mu bantu oti, ‘Kiisi awulira ng'atya era ng'adhugumira, aireyo ewaibwe.’ ” Kale Gideoni yaabaleba atyo, era abantu emitwalo ebiri n'enkumi ibiri (22,000) bairayo ewaibwe. Abantu omutwalo mulala (10,000) n'abaasigala.

1 Samueli 13:8

Yaamala enaku musanvu ng'ali kuteega Samueli, nga Samueli oyo bweyamulagira. Aye Samueli yaaba ng'akaali kwidha Giligali. Abantu baatoolera okusansaana nga bava ku Saulo.

1 Samueli 17:11

Agho Saulo n'Abaisiraeli boonaboona bwe baawulira ebibono ebyo eby'Omufilisiti, baawaamu amaani era baatya ebitaloodheka.

1 Samueli 31:7

Abaisiraeli abaali ku luuyi lule olw'ekiiko, n'abo abaali ere ng'osomoike Yorudani, bwe baabona ng'eigye lya Isiraeli lirumwike era nga Saulo ni batabane be bafiire, baalekulira agho ebibuga byaibwe, baalumuka. Abafilisiti baidha baabibaamu.