1 Samueli 13:6 - Baibuli Ekibono kya Katonda 2014

⁶ Abaisiraeli bwe baabona nga bali mu kabi, era ng'eigye lyaibwe balinhigiriiza, beegisa mu mpuku, mu biina, mu mabaale, mu magombe, ni mu nsulo edh'amaadhi.

1 Samueli 13:6 ပူးပေါင်းရင်းမြစ်များ

2 Samueli 24:14

Agho Daudi yaakoba Gadi ati: “Enaku engemye inho naasoberwa. Aye ekisinga leka Katonda ali n'ekisa ekyodo atubonereze mwene, mu kifo eky'abantu obuntu okutubonereza.”

Isaia 42:22

Aye abantu bano abazigu baabaiba era baabanhaga, era baabatega boonaboona baagwa mu biina, baabasibira mu makomera. Abazigu baabayiiga baabagemya aye nga ghazira abawonia, era baabanhaga aye ghaabulagho abanunula okubaiza.

Yeremia 41:9

Ensulo Ishimaeli ye yasuulamu emirambo egy'abasaadha be yaita, yali nga n'ere enene kyabazinga Asa owa Buyudaaya ye yasima, bweyalumbibwa kyabazinga Baasha owa Isiraeli. Ishimaeli yaidhuza ensulo eyo emirambo.

Ezekieli 33:27

“Era bakobe oti nze Musengwa Katonda ndi kubalabula nti nga bwendi omulamu, bwenebwene abantu abo abali mu bifo ebyayonoonebwa, baliitibwa mu lutalo. Abo abaliba eyo mu nsiko ndigha ensolo emirambo gyaibwe dhaagikankamira. Ate abo abaliba mu bifo eby'okwewogomamu n'abo abaliba mu mpuku, balifa endwaire ya kawumpuli.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

Abaheburayi 11:38

era nga n'ensi tibagibonamu muganhulo. Baatambulatambulanga eyo batyo mu malungu ni mu nsozi ng'oti n'abanoonia obubudamo, nga basula mu mpuku ni mu biina.

Yoshua 8:20

Abasaadha ab'e Ayi baaja okulingaku einhuma, nga babona omwosi ogw'ekibuga kyaibwe ekiri kuya guli mu bire ng'ate bazira na gha kulumukira. Kuba Abaisiraeli abaali bali kulumuka nga boolekeire eirungu, baakyuka baatoolera okulumuka nga baidha ye bali okubalumba.

Abalamuzi 10:9

Abammoni baasomoka n'omwiga Yorudani okulwanisa ab'ekika kya Yuda, n'ekya Benjamini, n'ekya Efuraimu. Olwo Isiraeli yoonayoona yaaba mu bweraliikirivu obubitirivu.

Abalamuzi 20:41

Agho Abaisiraeli be baali bali kubingirira baakyuka, olwo Ababenjamini baadhugumira nga bali kubona akabi kabatuuseeku!

Abalamuzi 6:2

Abamidia baasingira ghala Abaisiraeli amaani. Era olw'ekyo Abaisiraeli beesimira endungu edh'okwekwekamu mu nsozi, era beekwekanga mu mpuku ni mu bifo ebindi eby'okwewogomamu

1 Samueli 13:15

Agho Samueli yaasitula yaava e Giligali, yaaja e Gibea ekya Benjamini. Saulo yaabala abantu abaali agho naye, nga baghera ng'oti lukaaga.

1 Samueli 14:11

Kale bombi beeyoleka eri enkambi ey'abalwani Abafilisiti. Abafilisiti baakoba bati: “Mubone, Abaheburayi bali kuvaayo mu biina mwe baali beegisiisa.”

1 Samueli 14:22

Mu nsambo n'endala eyo, Abaisiraeli boonaboona abaali beegisiisa mu kiketezo kya Efuraimu eky'oku nsozi, bwe baawulira ng'Abafilisiti bali kulumuka, boona baavaayo baababingirira n'amaani, baabalwanisa.

1 Samueli 23:19

Agho abantu baava e Zifu baaja ye Saulo, baamukoba bati: “Daudi yeegisiisa ewaife e Horeshi ku lusozi Hakila, oluli ku luuyi olw'omukono omusaadha olw'e buvandhuba olwa Yeshimoni.

1 Samueli 24:3

Agho Saulo yatuuka ku mpuku eyali okumpi n'ebisibo by'entaama ku ngira, yaingira omwo okweyamba. Mu kiseera ekyo, Daudi n'abasaadha be, baali batyaime mu bitundu eby'omunda einho eby'empuku eyo.

1 Samueli 31:7

Abaisiraeli abaali ku luuyi lule olw'ekiiko, n'abo abaali ere ng'osomoike Yorudani, bwe baabona ng'eigye lya Isiraeli lirumwike era nga Saulo ni batabane be bafiire, baalekulira agho ebibuga byaibwe, baalumuka. Abafilisiti baidha baabibaamu.

1 Samueli 7:7

Abafilisiti bwe baawulira bati Abaisiraeli beesoloiza e Mizipa, abafuzi ab'Abafilisiti abo baaja baalumba Abaisiraeli. Era Abaisiraeli bwe baakiwulira, baatya inho Abafilisiti abo.