1 Samueli 13:4 - Baibuli Ekibono kya Katonda 2014

⁴ Abaisiraeli boonaboona baawulira bati Saulo aghangwire enkambi y'abalwani Abafilisiti. Era baawulira bati Abafilisiti beesiniirwa Abaisiraeli. Kale abantu baayetebwa okuja okweyimba ku Saulo e Giligali.

1 Samueli 13:4 ပူးပေါင်းရင်းမြစ်များ

Amainhama 34:30

Yakobo yaakoba Simeoni ni Levi ati: “Mundeeteire obuzibu. Mpegaano Abakanaani n'Abaperizzi n'abandi boonaboona ab'omu nsi eno baja kunkyagha. Ndi n'abantu batono. Kale bale boonaboona bwe balyesoloza ni baanumba, balinsaaniagho n'amaka gange goonagoona.”

Amainhama 46:34

Munaamwiramu muti, ‘Ife abagheereza bo, tubaire baayi okuva mu buto bwaife n'okutuusa mpegaano, ng'oti ni badhaadha baife bwe baali’—olwo musobole okuba mu kiketezo ky'e Gosheni, kuba kya muzizo eri Abamisiri okuba aghalala n'abaayi.”

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

Okuvaayo 5:21

baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Yoshua 5:9

Musengwa Katonda yaakoba Yoshua ati: “Olwaleero mbatoireku eriina eibi ery'okwetebwanga abairu ab'Abamisiri.” Ekifo ekyo kwe kyava okwetebwa Giligali, eriina lye bakaakyeta ni ye buli eno.

1 Samueli 10:8

Oidha kuja e Giligali oneesookengayo. Eyo ye ndidha okukwagaana, mpeeyo ebigheebwayo ebyokebwa n'emisengo egigheebwayo olw'okutabagana. Oidha kunteegera eyo okumala enaku musanvu, memale ndidhe nkulage eky'okukola.”

1 Samueli 27:12

Agho Akishi yeesiga Daudi, ng'akoba mule ati: “Bwenebwene Daudi yeereeteire abantu be Abaisiraeli okumukyayira irala, n'olw'ekyo aidha kubanga mugheereza wange buliidho.”