1 Samueli 13:12 - Baibuli Ekibono kya Katonda 2014

¹² Kale naakoba nti Abafilisiti baidha kwidha baanumbe ghano e Giligali, ate nga nkaali kweghemba Musengwa Katonda kungemerwa kivunika. Kye naviire ni neeghaliriza okughaayo ekigheebwayo ekyokebwa.”

1 Samueli 13:12 ပူးပေါင်းရင်းမြစ်များ

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

2 Ab'e Korintho 9:7

Kale buli muntu ateekwa okukola nga bw'asazeegho mu mwoyo gwe, era nga ti lwa nnaakola ntya, oba lwa kukakibwa kuba Katonda ayenda oyo agaba nga musangaavu.

1 Samueli 13:11

Samueli yaakoba ati: “Okoze ki kino?” Saulo yairamu ati: “Naboine ng'abantu bali kusansaana nga banvaaku, ate nga iwe toidhiire mu nnaku dhe wakoba, n'Abafilisiti nga beesoloiza e Mikamashi.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.

1 Samueli 15:12

Bwe bwakya, Samueli yaawuuna okuja okubona Saulo. Baamukobera bati: “Saulo yajiire Karumeli, mwene ye yeezimbira ekiidhukizo, era yamaze yeeyongerayo yaatuuka e Giligali.”

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.

1 Samueli 21:7

Ku lunaku olwo, ghaaligho owundi ku bagheereza ba Saulo, ng'ali n'ensonga emusigaiza mu maiso ga Musengwa Katonda. Eriina lye nga ni Doegi, eyava mu Edomu era ng'akulira abaayi ba Saulo.