1 Samueli 12:9 - Baibuli Ekibono kya Katonda 2014

⁹ Aye badhaadha baimwe beerabira Musengwa Katonda waibwe. Era Musengwa Katonda oyo yaabaghaayo mu mikono gya Sisera omuduumizi w'eigye lya kyabazinga Yabini ow'e Hazori, ni mu mikono gy'Abafilisiti, era ni mu mikono gya kyabazinga w'e Moabu abo boonaboona baalwanisa badhaadha baimwe abo.

1 Samueli 12:9 ပူးပေါင်းရင်းမြစ်များ

2 Samueli 7:11

nga bwe baakolanga eira mu biseera bye nateeragho abalamuzi abaakulemberanga abantu bange Abaisiraeli. Ndidha kukuwonianga okulumbibwa abazigu bo boonaboona. N'ekindi, nze Musengwa Katonda nkukoba nti ndikwaliza abaana n'abaidhukulu.

Zabbuli 106:21

Baava ku Katonda eyabawonia okuzikirira, era eyakola ebintu ebikologho mu Misiri,

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Yeremia 2:32

Omughala asobola okwerabira ebyamadholobera bye by'avaala? Oba omugole okwerabira ebivaalo bye eby'obugole? Aye abantu bange baneerabiire enaku kamaala edhitabalika!

Amateeka Agokubiri 32:18

Beerabira omulwanirizi waibwe ow'amaani, baaloba kwidhukira Katonda waibwe eyabagha obulamu.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?

Abalamuzi 10:7

Musengwa Katonda yaasungughalira Abaisiraeli abo, yaaleka Abafilisiti n'Abammoni baabaghangula.

Abalamuzi 13:1

Agho Abaisiraeli kabiri baayonoona ye Musengwa Katonda. Musengwa Katonda yaabaleka okufugibwa Abafilisiti okumala emyaka amakumi ana.

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 3:12

Abaisiraeli bairamu kabiri baayonoona ye Musengwa Katonda. Kale Musengwa Katonda yaagha kyabazinga Eguloni ow'e Moabu amaani okulwanisa Abaisiraeli.

Abalamuzi 3:31

Omukulembeze eyairaku, yali ng'ayetebwa Shamugari, nga mutabane wa Anathi. Yeena yanunula Isiraeli bwe yaita Abafilisiti olukaaga (600) ng'akozesa oluti olusongovu lwe bakozesa okusindiikiriza ente okutambula.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.

1 Samueli 12:15

Aye bwe mutaawulirenga Musengwa Katonda, era ni mutagema biragiro bye, olwo aidha kubalwanisanga imwe era ni kyabazinga waimwe.