1 Samueli 12:5 - Baibuli Ekibono kya Katonda 2014

⁵ Samueli yaabakoba ati: “Musengwa Katonda ghalala ni kyabazinga ye yasiiga omuzigo, n'abadhulizi ababalumiriza imwe, okukakasa nga nziraku kye nvunaanibwa.” Bairamu bati: “Yii, Musengwa Katonda n'omudhulizi.”

1 Samueli 12:5 ပူးပေါင်းရင်းမြစ်များ

Amainhama 31:50

Bw'onaadaazadaazanga baghala bange oba n'obayiza abakazi abandi, waire tighaliba muntu wundi ali n'ife, idhukira nga Katonda n'omudhulizi ghagati wo ninze.”

Yobu 16:19

Ni mu kaseera kano mu igulu eriyo andhulira; ghaigulu eyo eriyo ansemba nga ndi mutuufu.

Yobu 42:7

Agho bwe yamala okwogera ni Yobu ebibono ebyo, yaakoba Elifazi Omutemani ati: “Nkusungughaliire inho iwe ni baino bombi, kuba timundhogeireeku bituufu ng'oti n'omugheereza wange Yobu bw'ayogeire.

Zabbuli 17:3

Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Yoanne 18:38

Pilato yaamukoba ati: “Amazima ni ki?” Pilato bwe yamala okwogera ebyo yaaja ku luya y'Abayudaaya kabiri yaabakoba ati: “Omuntu ono tibona musango gw'aiziiza.

Ebikolwa by'Abatume 23:9

Ghaabaagho okukaabuka kunene era abandi ku Banamateeka ab'omu kikunsu eky'Abafarisaayo, baayemerera, baatakana n'amaani baakoba bati: “Titubona kibi ku muntu ono. Tomanha omwoyo oba malaika bw'aba ng'ayogeire naye.”

Ebikolwa by'Abatume 24:16

Kyenva nfuba buliidho okuba n'omwoyo omunaabuufu ye Katonda ni y'abantu.

Ebikolwa by'Abatume 24:20

Bwe kitaba kityo, abo beene abali ghano bakobe omusango gwe bambonaku bwe bampozesa mu lwekobaano lwaibwe.

1 Ab'e Korintho 4:4

Nze tiidhi ng'eriyo ekibi kye naali nkoze, aye ekyo tikitegeeza nti nziraku musango. Musengwa n'asalagho.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

1 Samueli 12:4

Baamukoba bati: “Busa. Totukupankupaniangaku waire okututetenkereza, oba okutwala ekintu eky'omuntu yeenayeena.”

1 Samueli 26:9

Aye Daudi yaakoba Abishai ati: “Busa, otamuzikiriza, kuba naani akola akabi ku oyo Musengwa Katonda ye yasiiga omuzigo, n'atabaaku musango?”