1 Samueli 12:20 - Baibuli Ekibono kya Katonda 2014

²⁰ Samueli yaakoba abantu ati: “Mutatya. Waire mukoze ekibi ekyaga agho mutavanga ku Musengwa Katonda, aye mumugheerezenga n'omwoyo gwaimwe gwonagwona.

1 Samueli 12:20 ပူးပေါင်းရင်းမြစ်များ

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

Zabbuli 101:3

Tija kuganhanga kwereeterezaaku kintu kyonakyona kibi. Nkyaghira irala ebikolwa by'abo abava ku Katonda. Tija kukolagananga nabo naire.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 40:4

Ba nkabi abo abeesiga Musengwa Katonda, abatakyuka ni basinza bitali Katonda waire okweyimba ku abo abasinza emisambwa.

Okuvaayo 23:25

Nze Musengwa Katonda wo, ninze y'obenga osinze, era nze ndidha kukughanga enkabi mu mere ni mu maadhi, era ntoolegho obulwaire obubadaaza.

Okuvaayo 32:30

Enkyo lyaku Musa yaakoba abantu ati: “Mukoze ekibi ekikologho! Aye leka nniine ye Musengwa Katonda ku lusozi oba katyo nnaamwikirizisa okukibasonigha.”

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Haggai 2:5

Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

Amateeka Agokubiri 10:12

Musa yaayongera okukoba Abaisiraeli ati: “Mpegaano ni, imwe Abaisiraeli, Musengwa Katonda waimwe ky'ayenda mukole ni kino: Mumutyenga era mujiirenga ku ebyo byonabyona by'abalagira. Mumugonzenga era mumusinzenga n'omutima gwaimwe gwonagwona, n'omwoyo gwaimwe gwonagwona,

Amateeka Agokubiri 11:16

Mwekuume mulobenga kusendebwasendebwa ni muva ku Musengwa Katonda, ni musinza bakatonda abandi era ni mubagheereza.

Amateeka Agokubiri 31:29

Kuba ndidhi nti bwe ndimala okufa balifuukira irala ababi, baaloba kukola bye mbalagiire. Era ye bwidha, ebizibu biribaidhira, olw'okuleetera Musengwa Katonda okusungughala nga bakola by'atayenda.”

Yoshua 23:6

Kale ni mufubenga inho okubona nga mugondera byonabyona ebyaghandiikibwa mu kitabo eky'Amateeka ga Musa. Ghatabangagho katundu koonakoona ke musuula ere.

1 Petero 3:16

Mubenga baamufu mu myoyo gyaimwe, olwo muswazenga abo ababavuma n'ababoogeraku obubi ku mpisa dhaimwe enkalamu edh'Obukurisito.

1 Samueli 12:19

Baakoba Samueli bati: “Tusabire eri Musengwa Katonda wo, ife abagheereza bo tulobe kufa, kuba ku bibi byaife byonabyona bye tuli nabyo, kabiri twongeireku ni kino eky'okwesabira kyabazinga.”