1 Samueli 12:2 - Baibuli Ekibono kya Katonda 2014

² Mperaano wuuyo aidha kubakulemberanga. Nze ndi mukaire ow'envu, era mubona batabane bange abali n'imwe. Nze mbakulembeire okuva nga ndi mwisuka okutuusa ni ye buli eno.

1 Samueli 12:2 ပူးပေါင်းရင်းမြစ်များ

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Okubala 27:17

Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

2 Timotheo 4:6

Kuba nze ndi kumpi okugheebwayo ku alutaari ng'omusengo, esaawa yange ey'okuva mu bulamu buno teri ghala.

Yoshua 23:1

Nga ghabiseegho ekiseera kireeyi inho, era nga Musengwa Katonda amaze okugha Abaisiraeli emiraala, nga baliraanwa baibwe ti bakaabalumba, Yoshua yali akairiighe inho.

Yoshua 23:2

Kale Yoshua oyo yaayeta, abakulu ab'ebika, abakulu ab'ebikunsu eby'endhawulo, abalamuzi, n'abakulembeze mu Isiraeli, n'Abaisiraeli abandi yaabakoba ati: “Buti nkairiighe n'emyaka gimpoireku.

2 Petero 1:14

Ndidhi nti ndi kumpi okuva mu mubiri guno, nga Musengwa waife Yesu Kurisito bwe yakindholeka obukalamu.

1 Samueli 2:22

Agho Eli yali akairiighe inho, era ng'awulira batabane be bye baakolanga Abaisiraeli boonaboona, era ni babanga mu buliri n'abakazi abaagheerezanga ku mulyango ogw'Eweema ey'Okwagaananirangamu ni Musengwa Katonda.

1 Samueli 2:29

Lwaki timwisa kitiisa mu misengo gyange n'ebigheebwayo byange bye nalagira abantu bange okumpa? Iwe Eli, lwaki ogha batabane bo ekitiisa ekinene okusinga ky'ompa nze, ni mugeedhera ku bisinga obulungi, mu ebyo abantu bange Abaisiraeli bye baghaayo?

1 Samueli 3:10

Agho Musengwa Katonda yaidha yaayemerera agho, yaayeta nga bwe yakola ku mikuzi gire egindi, ati: “Samueli, Samueli.” Samueli yaamukoba ati: “Musengwa Katonda yogera, omwiru wo ali kuwulira.”

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.

1 Samueli 3:16

Aye Eli yaamweta ati: “Mwana wange, Samueli.” Samueli yaavugira ati: “Wangi isebo.”

1 Samueli 8:1

Samueli bwe yakairigha, yaafuula batabane be abakulembeze ba Isiraeli.

1 Samueli 8:20

olwo twena tube ng'oti n'amaghanga agandi goonagoona. Kyabazinga oyo aidha kutufuganga era atukulemberenga atulwaniregho entalo dhaife.”

1 Samueli 8:3

Aye batabane ba Samueli abo tibeebisanga mu nsambo iseibwe ye yeebisangamu. Baajiiranga inho ku by'okufuna, n'okulya enguzi, era n'okusaliriza emisango.

1 Samueli 8:5

Baamukoba bati: “Bona eno, buti okairiighe, ate batabane bo tibeebisa mu nsambo iwe ye weebisaamu. Mperaano ni, tulondere kyabazinga atukulemberenga, tube ng'oti n'amaghanga agandi goonagoona bwe gali.”