1 Samueli 12:17 - Baibuli Ekibono kya Katonda 2014

¹⁷ Ekiseera kino kya makungula ga ngaano. Aye nja kweghemba Musengwa Katonda aleetegho okutyabuka kw'olukuba era agwise n'amaadhi, memale mumanhe ng'ekibi kyaimwe kye mwakola ye Musengwa Katonda kinene, eky'okumusaba kyabazinga.”

1 Samueli 12:17 ပူးပေါင်းရင်းမြစ်များ

Zabbuli 99:6

Musa ni Aaroni baali bakabona be, ate Samueli yaaba owundi ku abo abaamusabanga. Abantu abo baaliriranga Musengwa Katonda, yaabaghanga kye baamusabanga.

Okuvaayo 32:30

Enkyo lyaku Musa yaakoba abantu ati: “Mukoze ekibi ekikologho! Aye leka nniine ye Musengwa Katonda ku lusozi oba katyo nnaamwikirizisa okukibasonigha.”

Ensambo 26:1

Ng'omugozi bwe gutagwanira kugwa mu ndoboozi, oba amaadhi okugwa mu biseera eby'amakungula, n'omusiru atyo bw'atagwaine kuba na kitiibwa.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”

1 Samueli 12:13

“Mperaano ni, mubone, kyabazinga ye mulonze wuuyo. Mwasaba kyabazinga, era wuuyo Musengwa Katonda amubaghaire okubafuga.

1 Samueli 12:19

Baakoba Samueli bati: “Tusabire eri Musengwa Katonda wo, ife abagheereza bo tulobe kufa, kuba ku bibi byaife byonabyona bye tuli nabyo, kabiri twongeireku ni kino eky'okwesabira kyabazinga.”

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”

1 Samueli 7:5

Agho Samueli yaakoba ati: “Musoloze Abaisiraeli boonaboona, baje e Mizipa. Nze ndidha kubasabira ye Musengwa Katonda.”

1 Samueli 8:6

Aye eky'okukoba bati: “Tughe kyabazinga atukulemberenga,” kyanakughaza Samueli. Kale Samueli oyo yaasaba Musengwa Katonda.

1 Samueli 8:7

Musengwa Katonda yaamwiramu ati: “Wulirisa ebintu byonabyona abantu bye bali kukukoba, kuba ti niiwe ye balobye, aye ninze ye balobye okuba kyabazinga waibwe.