1 Samueli 12:15 - Baibuli Ekibono kya Katonda 2014

¹⁵ Aye bwe mutaawulirenga Musengwa Katonda, era ni mutagema biragiro bye, olwo aidha kubalwanisanga imwe era ni kyabazinga waimwe.

1 Samueli 12:15 ပူးပေါင်းရင်းမြစ်များ

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

Isaia 1:20

Aye bwe munaadheemanga obudheeme, mwidha kwitibwanga bwitibwe. Nze Musengwa Katonda, ninze ndhogeire.”

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Okulira 1:18

Aye Musengwa mutuufu, kuba ninze eyadheemera ekibono kye. Aye bantu imwe muwulire mwenamwena, mubone nga bwe ndaagadaaga. Abaisuka bange n'abaguna boonaboona baabatwala mu bunhage.

Amateeka Agokubiri 31:27

Ndidhi bukalamu nga bwe bali abadheemu era ab'empwitu. Kuba oba nga badheemera Musengwa Katonda mpegaano nga nkaali mulamu, memale olwo tibalisinzaagho kumudheemera nga mmaze okufa?

Yoshua 24:20

Bwe mumuvaaku ni mugheereza bakatonda ab'amaghanga agandi be basinza, aja kukyusa abakole bubi inho abazikirize, abe ng'oti tabangaku mulungi ye muli.”

Abalamuzi 2:15

Kiisi bwe baajanga okulwana olutalo, nga Musengwa Katonda abasindikira akabi, nga bweyali amaze okubeesoomera. Kale baaba mu kabi akataloodheka.

1 Samueli 12:9

Aye badhaadha baimwe beerabira Musengwa Katonda waibwe. Era Musengwa Katonda oyo yaabaghaayo mu mikono gya Sisera omuduumizi w'eigye lya kyabazinga Yabini ow'e Hazori, ni mu mikono gy'Abafilisiti, era ni mu mikono gya kyabazinga w'e Moabu abo boonaboona baalwanisa badhaadha baimwe abo.

1 Samueli 5:9

Aye olwagituusa e Gathi bati, Musengwa Katonda yaatoolera okubonereza ekibuga ekyo. Yaabaleetera okutya einho, era yaabasindikira okulwala ebizimba byabafukumukaku boonaboona, abakulu n'abato.