1 Samueli 12:11 - Baibuli Ekibono kya Katonda 2014

¹¹ Agho Musengwa Katonda yaatuma Yerubbaali, ni Baraki, ni Yefutha, ni Samueli, olwo yaajanga ng'awonia imwe abazigu baimwe ababeezungulwire, era mwaba mu miraala.

1 Samueli 12:11 ပူးပေါင်းရင်းမြစ်များ

2 Bakyabazinga 13:5

Musengwa Katonda yaagha Abaisiraeli omuntu yaabanunula, yaabawonia okufugibwa Abasiria. Abaisiraeli baaba mu miraala nga bwe baabanga eira.

1 Ebyomubyanda 7:17

Ulamu yaazaala Bedani. Abo ni baidhukulu ba Gileadi mutabane wa Makiri, ate Makiri oyo nga mutabane wa Manasse.

Abalamuzi 4:6

Agho yaatumisa Baraki mutabane wa Abinoamu ow'omu kibuga Kadeshi eky'e Nafutali. Yaamukoba ati: “Musengwa Katonda, Katonda wa Isiraeli, akulagiire ati, ‘Twala abasaadha omutwalo mulala ku b'ekika kya Nafutali n'ekya Zebuluni, mwesolokeze ku lusozi Tabori.

Abalamuzi 6:14

Agho Musengwa Katonda yaalagira Gideoni ati: “Ja n'amaani go ago goonagoona, otoole Isiraeli mu buyinza bw'Abamidia. Nze mwene ninze nkutumye.”

Abalamuzi 6:31

Aye Yoashi yaakoba abo boonaboona abaamulumba ati: “Obwo Baali ye muli kuwolereza? Oba ye muli kwenda okulwanirira? Kiisi ayenda okumuwolereza aidha kwitibwa nga bukaali na kukya. Oba nga Baali bwenebwene katonda, ka yeewolereze mwene, kuba alutaari ye bamenhiegho yiye.”

Abalamuzi 6:32

Okuva n'olwo, Gideoni yaatuumibwa eriina Yerubbaali, ekitegeeza kiti: “Baali yeewolereze mwene, kuba alutaari ye bamenhiegho yiye.”

Abalamuzi 7:1

Agho Yerubbaali, oyo nga ni Gideoni, n'abantu abaali naye boonaboona, baazuuka ku nkyo, baasimba weema dhaibwe kumpi n'akaiga akeetebwa Horidi. Weema edh'Abamidia nga dhibali ku luuyi olw'omukono omugooda olw'e buvandhuba, mu kiiko ekiri ku mbali kw'olusozi More.

Abalamuzi 8:29

Yerubbaali, oyo nga ni Gideoni mutabane wa Yoashi, yairayo mu maka ge, yaaba eyo.

Abalamuzi 8:35

Era baaloba kuba basiimu naire y'ab'endhu ya Gideoni, olw'ebirungi byonabyona bye yakolera Isiraeli.

1 Samueli 3:20

Agho Abaisiraeli boonaboona, okuva e Dani okutuuka e Beerisheba, baamanha bati Samueli akakasiibwa okuba omulanzi wa Musengwa Katonda.

1 Samueli 7:13

Kale Abafilisiti baaghangulwa batyo, baaweeramu irala amaani. Era Musengwa Katonda yaabalemesa okulumba ensi y'Abaisiraeli ekiseera kyonakyona Samueli kye yamala nga mulamu.