1 Samueli 11:1 - Baibuli Ekibono kya Katonda 2014

¹ Agho kyabazinga Omuammoni eyayetebwanga Nahashi, yaaja yaalumba ekibuga Yabeshi Gileadi, yaakizingiza okukyezunguluza. Abantu ab'e Yabeshi baakoba Nahashi oyo bati: “Kola n'ife endagaano, olwo twidha kukugheerezanga.”

1 Samueli 11:1 ပူးပေါင်းရင်းမြစ်များ

Amainhama 26:28

Bairamu bati: “Tuboine nga bwenebwene Musengwa Katonda ali n'iwe, kye tuva ni tukoba tuti ghabeegho ekirayiro ghagati wo n'ife, era tukole endagaano n'iwe,

2 Samueli 10:1

Ebyo bwe byawa, kyabazinga Nahashi ow'Abammoni yaafa, mutabane we Hanuni yaamusikira ku bwakyabazinga.

2 Samueli 10:2

Daudi yaakoba mule ati: “Ndidha kulaga Hanuni mutabane wa Nahashi omukwano ogw'amazima, nga ise gwe yandaganga.” Kale Daudi yaatuma ku bagheereza be baje ye Hanuni, bamumusaasirire olw'okufiirwa ise. Agho abagheereza ba Daudi baatuuka bukalamu mu nsi ey'Abammoni.

2 Samueli 17:27

Daudi bwe yaatuuka e Mahanaimu, Shobi mutabane wa Nahashi ow'e Rabba eky'Abammoni, ni Makiri mutabane wa Ammieli ow'e Lodebari, ni Barazillai Omugileadi ow'e Rogelimu,

2 Samueli 2:5

Daudi yaagheereza abakwenda y'abantu abo, okubakoba bati: “Musengwa Katonda abaghe enkabi, kuba mwayoleka obwesigwa bwaimwe eri musengwa waimwe Saulo, mwamuziika.

1 Bakyabazinga 20:34

Agho Benihadadi yaakoba Ahabu ati: “Ebibuga lata wange bye yanhaga ku lata wo, nze ndidha kubikwiriza. Era oidha kuba wa idembe okwezimbira obutale mu Damasiko, nga lata wange bwe yeezimbira mu Samaria.” Ahabu yaamukoba ati: “Ku kakalu ako, ndidha kukuleka oje.” Agho yaakola naye endagaano, yaamuleka yaaja.

1 Ebyomubyanda 10:11

Abatyamye boonaboona ab'omu kibuga Yabeshi e Gileadi bwe baawulira ekyo Abafilisiti kye baakola Saulo,

1 Ebyomubyanda 10:12

abasaadha abaziramu ntete boonaboona baasituka, baaja baatoolayo omulambo gwa Saulo n'emirambo gya batabane be, baagireeta e Yabeshi. Baaziika amagumba gaibwe eyo e Yabeshi ghansi gh'omuti omukologho, era baasiiba okumala enaku musanvu.

Yobu 41:4

Enaakola n'iwe endagaano ebenga mugheereza wo enaku dhoonadhoona?

Okuvaayo 23:32

Otakolanga na bantu abo ndagaano, oba okugikola n'emisambwa gyaibwe.

Isaia 36:16

Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala eby'emizabbibu egigye gyene, n'eby'emiti emitiini egigye gyene, era anhwenga amaadhi ag'omu nsulo eyiye yeene,

Yeremia 40:11

Mu nsambo n'endala, Abayudaaya abandi abaali mu Moabu, ni mu Ammoni, ni mu Edomu, ni mu nsi edhindi, baawulira nga kyabazinga ow'e Babilonia yaganha Abayudaaya abandi okusigala mu Buyudaaya era nga Gedalia ni ye yabagha okubafuga.

Yeremia 40:14

Baakoba Gedalia bati: “Oidhi nga kyabazinga Baalisi owa Ammoni yatuma Ishimaeli aidhe akutemule?” Aye Gedalia yaaloba kukiikiriza.

Ezekieli 17:13

Yaatwala mulala ku balangira, yaakola naye endagaano era yaamulayiza okuba omwesigwa. Yaatwala n'abantu abakologho mu nsi eyo ng'omusingo,

Amateeka Agokubiri 23:3

“Omuammoni n'Omumoabu, ni baidhukulu baibwe, okutuukira irala ku luse olweikumi, tibaabalirwenga mu bantu ba Musengwa Katonda ebyanda n'ebyanda.

Abalamuzi 10:7

Musengwa Katonda yaasungughalira Abaisiraeli abo, yaaleka Abafilisiti n'Abammoni baabaghangula.

Abalamuzi 11:4

Nga ghabiseeghooku entangama, Abammoni baaja okulwanisa Abaisiraeli.

Abalamuzi 21:8

Agho baabuuza bati: “Ni baani mu b'omu bika bya Isiraeli abataaja mu maiso ga Musengwa Katonda e Mizipa?” Baaja okukizuula ng'e Yabeshi eky'omu Gileadi tiyavaayo muntu waire omulala, eyaidha okubaagho ng'abantu beesoloiza;

1 Samueli 12:12

Aye bwe mwabona nga kyabazinga Nahashi ow'Abammoni ali kwidha okubalumba, mwaloba Musengwa Katonda waimwe okuba kyabazinga waimwe. Mwankoba muti, ‘Twenda kyabazinga n'abe atufugenga.’

1 Samueli 14:47

Saulo bwe yamala okufuuka kyabazinga wa Isiraeli, yalwanisa abazigu be ku ndhuyi dhoonadhoona: Yalwanisa Abamoabu, n'Abammoni, n'Abaedomu, ni bakyabazinga b'e Zoba, era n'Abafilisiti. Buli be yalwanisanga ng'abaghangula.