1 Samueli 10:5 - Baibuli Ekibono kya Katonda 2014

⁵ Olwo oidha kuja ku lusozi lwa Katonda Abafilisiti ghe baata enkambi dhaibwe edh'abalwani. Bw'onaaba oli kutuuka ku kibuga, oidha kwagaana ekikunsu ky'abalanzi nga bali kwikirira okuva mu kifo ekigulumivu eky'okusinzizaamu, nga bali kulanga era nga bakulembeirwamu ab'entongooli, ab'obugoma, ab'endere, n'ab'endingidi.

1 Samueli 10:5 ပူးပေါင်းရင်းမြစ်များ

1 Bakyabazinga 18:29

Ekiseera eky'omu kasana ghagati bwe kyabita, beeyongera okweyasa okutuuka ku kiseera ekyeigulo eky'okughaayo emisengo. Aye ghaaloba kubaagho mamiro gawulikika, waire okubaagho abairamu, oba abafaaku.

2 Bakyabazinga 2:15

Abalanzi abaali e Yeriko bwe baamubona, baakoba bati: “Obuyinza bwa Eliya buli ku Elisha.” Agho baidha okumweisuusaayo, era baakuba amakiryaivu agho mu maiso ge,

2 Bakyabazinga 2:3

Agho ekikunsu eky'abalanzi abaali e Betheli baidha ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:5

Agho ekikunsu eky'abalanzi abaali e Yeriko baaseeta ye Elisha, baamubuuza bati: “Okiidhi nga Musengwa Katonda olwaleero aja kukutoolaku musengwa wo amutwale?” Elisha yairamu ati: “Yii, nkiidhi. Imwe mwesirikire.”

2 Bakyabazinga 2:7

baatuuka baayemerera ku mbali kw'omwiga Yorudani. Abalanzi amakumi ataanu okuva mu kikunsu ky'abalanzi, boona baaja, baayemerera nga ghakaalighooku akata okutuuka ku Eliya ni Elisha.

2 Bakyabazinga 3:15

Aye mpegaano ndeetera omukubi w'entongooli.” Omukubi w'entongooli bwe yakuba, amaani ga Musengwa Katonda gaidha ku Elisha,

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 6:1

Lwali lulala, ab'omu kikunsu ky'abalanzi abaabanga ni Elisha baamukoba bati: “Isebo, weena nga bw'oli kubona, ekifo kye tubaamu n'iwe kitono inho.

1 Ebyomubyanda 11:16

Mu kiseera ekyo Daudi yali mu kifo eky'okwewogomamu, ate ekikunsu eky'Abafilisiti nga kisimbye enkambi yaakyo e Bethelehemu.

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

1 Ebyomubyanda 16:42

Hemani ni Yeduthuni era n'abaakuumanga amagwala, n'ebide, n'ebivuga ebindi byonabyona bye baakubanga okwembera Katonda. Ate batabane ba Yeduthuni yaabata ku gw'okukuumanga emiryango.

1 Ebyomubyanda 16:5

Asafu ye baataagho okuba omukulu, Zekaria nga n'amwiririra. Ate bano baabataagho okukubanga entongooli n'endingidi: Yeiyeli, Shemiramothi, Yehieli, Mattithia, Eliabu, Benaia, Obededomu, ni Yeiyeli owundi. Asafu n'eyakubanga ebide,

Zabbuli 49:4

Ndidha kuwulirisa ensambo, era nhembe amakulu g'ebikoiko ku ndingidi.

Zabbuli 92:3

eno nga bwe tukuuta endingidi era nga bwetusuna ebivuga eby'enkosi ebindi.

1 Ab'e Korintho 14:1

Munuyirirenga okugonza banaimwe, era mufubenga okufuna ebirabo Mwoyo by'agha, era nga ekisinga bukulu n'eky'obulanzi.

1 Samueli 10:10

Agho Saulo n'omugheereza we bwe baatuuka ku lusozi lwa Katonda, ekikunsu ky'abalanzi kyayagaanana nabo. Omwoyo gwa Katonda gwamwidhaku n'amaani mangi, era yaalanga ghalala nabo.

1 Samueli 10:4

Abantu abo baidha kukulamusa, bakughe emigaati ebiri, era oganhe ogitwale.

1 Samueli 13:2

Saulo yalonda mu Baisiraeli abasaadha enkumi isatu (3,000). Ku abo yaatoolaku enkumi ibiri (2,000) baabanga ghalala naye e Mikamashi ni mu kiketezo eky'oku nsozi eky'e Betheli. Ate olukumi (1,000) baabanga ghalala ni Yonathani e Gibea mu kiketezo kya Benjamini. Abantu abandi boonaboona yaabasiibula, bairayo ewaibwe.

1 Samueli 13:3

Yonathani yaaghangula enkambi y'abalwani Abafilisiti e Geba, era Abafilisiti baakiwulira. Agho Saulo yaafuuwa eigwala okubuna eighanga lyonalyona, ng'akoba ati: “Abaheburayi boonaboona ka bawulire!”

1 Samueli 19:20

Kale Saulo yaatuma abakwenda okugema Daudi. Aye abakwenda abo bwe baabona ekikunsu eky'abalanzi nga bali kulanga, nga Samueli ali nabo era nga n'omukulembeze waibwe, omwoyo gwa Katonda gwabaidhaku, boona baatoolera okulanga.

1 Samueli 9:12

Abaghala baabairamu bati: “Aliyo, era wuuyo abakulembeiremu. Mwangugheku mumwagaane, yaakatuuka mu kibuga, kuba olwaleero abantu baja kughaayo omusengo mu kifo ekigulumivu eky'okusinzizaamu.