1 Samueli 10:12 - Baibuli Ekibono kya Katonda 2014

¹² Agho omuntu ow'omu kiketezo ekyo yairamu ati: “Ate bano abalanzi abandi, iseibwe naani?” Okwo n'okwava endhogera ekoba eti: “Obwo Saulo yeena abalirwa mu balanzi?”

1 Samueli 10:12 ပူးပေါင်းရင်းမြစ်များ

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

Yoanne 7:16

Yesu yaabairamu ati: “Bye ndhegeresa ti byange aye by'oyo eyantuma.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

1 Samueli 10:13

Saulo bwe yamala okulanga, yaaja mu kifo ekigulumivu eky'okusinzizaamu.

1 Samueli 19:23

Kale yaava agho, yaaja e Naiothi mu Rama. Bwe yali ali kuja, omwoyo gwa Katonda yeena gwamwidhaku. Yaaja ng'ali kulanga okutuusa bwe yatuuka e Naiothi mu Rama.

1 Samueli 19:24

Yeena yaatoolamu ebivaalo bye, yaalanga ng'ali mu maiso ga Samueli. Yaalambaala agho ng'ali madu obwire obwo bwonabwona. Okwo n'okwava endhogera ekoba eti: “Obwo Saulo yeena yafuuka mulanzi?”