1 Samueli 10:11 - Baibuli Ekibono kya Katonda 2014

¹¹ Abantu boonaboona abaali bamwidhi okuva eira bwe baamubona ng'ali kulanga ghalala n'abalanzi, beebuuzagania beene na beene bati: “Kiki ekituuse ku Saulo mutabane wa Kishi? Obwo yeena abalirwa mu balanzi?”

1 Samueli 10:11 ပူးပေါင်းရင်းမြစ်များ

Amosi 7:14

Amosi yairamu Amazia ati: “Nze tiri mulanzi akolerera empeera, waire okuba mu lulyo olw'abalanzi. Nze ndi mwayi era omulimi ow'emiti emitiini.

Amosi 7:15

Eyo Musengwa Katonda ye yantoola ku gw'okwaya ensolo, yankoba ati, ‘Ja olange eri abantu bange Abaisiraeli.’

Yoanne 7:15

Abayudaaya beewuunhia inho baakoba bati: “Omusaadha ono tabangaku amwegeresa! Bino byonabyona yabyega atya?”

Ebikolwa by'Abatume 3:10

Baamumanha nga n'oyo eyatyamanga ku Mulyango Omulungi ogw'eisinzizo ng'asabiriza empiiya. Beewuunhia inho era baayasaamirira olw'ekyali kimukoleibwaku.

Ebikolwa by'Abatume 4:13

Bwe baabona obugumu bwa Petero ni Yoanne, nga bamaze okumanha bati baali bantu abataasoma era ababuliidho, beewuunhia inho era baabategeera bati baali baba ni Yesu.

Ebikolwa by'Abatume 9:21

Boonaboona abaamuwulira beewuunhia inho, bakoba bati: “Ono ti n'omusaadha eyakiriganga ab'omu Yerusalemu abaasinzanga Yesu oyo? Era ti yaidha eno abageme abatwale ye Bakabona Abakulu?”

1 Samueli 19:24

Yeena yaatoolamu ebivaalo bye, yaalanga ng'ali mu maiso ga Samueli. Yaalambaala agho ng'ali madu obwire obwo bwonabwona. Okwo n'okwava endhogera ekoba eti: “Obwo Saulo yeena yafuuka mulanzi?”