1 Samueli 10:1 - Baibuli Ekibono kya Katonda 2014

¹ Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 10:1 ပူးပေါင်းရင်းမြစ်များ

2 Samueli 1:14

Daudi yaamubuuza ati: “Oghanga otya obutatya kugolola mukono gwo, okuzikiriza omuntu wa Musengwa Katonda eyasiigibwa omuzigo?”

2 Samueli 19:39

Agho abantu boonaboona baasomoka Yorudani, ni kyabazinga Daudi yeena yaasomoka. Kyabazinga yaanhwegera Barazillai, yaamusabira enkabi. Barazillai yairayo eka ewuwe.

2 Samueli 20:19

Ninze omulala ku abo abenda emiraala era abeesigwa mu Isiraeli. Iwe oli kwenda okuzikiriza ekibuga ekizaire mu Isiraeli. Lwaki oli kwenda okusaaniagho abantu ba Musengwa Katonda?”

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

1 Bakyabazinga 1:34

Zadoki kabona ni Nathani omulanzi bamusiigire eyo omuzigo, abe kyabazinga wa Isiraeli. Ekyo nga kiwoire, mwidha kufuuwa eigwala, mukobe muti, ‘Ghangaala kyabazinga Solomoni!’

1 Bakyabazinga 19:18

“Aye ndirekagho abantu kasanvu (7,000) mu Isiraeli, abo boonaboona abataakubiranga Baali makiryaivu era abataamunhwegeranga.”

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

2 Bakyabazinga 9:1

Agho Elisha omulanzi yaayeta omwisuka mulala ku b'ekikunsu eky'abalanzi, yaamukoba ati: “Weetegeke, ogeme akadoome kano ak'omuzigo ogw'ebibala eby'emiti emyoliva, oje e Ramothi Gileadi.

2 Bakyabazinga 9:12

Baamukoba bati: “Busa, ife tukobere mpegaano.” Yehu yaakoba ati: “Akobye ati Musengwa Katonda akoba ati, ‘Ndi kukusiiga omuzigo obe kyabazinga wa Isiraeli.’ ”

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Zabbuli 78:71

eyo ye yalinga ng'ayaya entaama edhonsa yaamuleeta alabirirenga abantu ba Katonda Abaisiraeli.

Okuvaayo 30:23

“Funayo obuwoowo obusinga bulungi obw'ebika bino: mirra ow'amaadhi agheza obuzito bwa kilo mukaaga, ni sinnamoni awunha obulungi einho agheza obuzito bwa kilo isatu, ni keini awunha obulungi einho, yeena obuzito bwa kilo isatu,

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Ezekieli 16:13

Kale waaba nga weenaweena nkudholiige ni zaabu ni feeza, era ng'ovaala engoye empegheevu, n'edha liiri edhaalukibwa obukalamu. Waalyanga emere esinga obulungi, n'omuzigo ogw'ebibala eby'emiti emyoliva, era waanhwanga n'omudheenene ogw'endhuki. Olwo weeyongera okuba omuntu aboneka obulungi einho, waanhirira ng'oti bwa muka kyabazinga.

Hosea 13:2

Ni ye buli eno bakaaja mu maiso n'okukola ebibi, nga bakola ebifaananie mu kyuma ekisaanuusiibwa. Ebifaananie ebyo babikola n'obukugu mu feeza waibwe nga bigheesebwa bantu buntu. Agho baakoba abantu bati: “Mugheeyo emisengo eri ebifaananie ebyo.” Aye abantu basobola batya okunhwegera ebifaananie ebyo eby'ente ento bye bakola obukole?

Ebikolwa by'Abatume 13:21

Agho baasaba okugheebwa kyabazinga, Katonda yaabagha Saulo mutabane wa Kishi ow'omu kika kya Benjamini, yaabafugira emyaka amakumi ana (40).

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

1 Ab'e Thessalonika 5:26

Mulamusaganienga n'okunhwegeragana ng'aboluganda.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

Okwolekebwa 5:8

Bwe yakola ekyo, ebitonde ebiramu ebina (4) n'abakulembeze amakumi abiri n'abana (24), beeyala mu maiso ag'Entaama Ento. Buli mulala yali n'entongooli, n'ebibya ebya zaabu ebiidhwire obubbaani ng'okwo n'okusaba okw'abatuukirivu.

1 Samueli 12:3

Ndi ghano, mpegaano muunumirize mu maiso ga Musengwa Katonda ni mu maiso ga kyabazinga ye yasiiga omuzigo. Naani ye nanhagaku ente ye? Oba naani ye nanhagaku endogoyi ye? Naani ye nakupankupaniaku oba waire okumutetenkereza mu kintu kyonakyona? Oba naani ye nalyakuuku enguzi? Bwe mba nga ghaligho ku ebyo kye nakola, muunumirize, ndidha kukibairizaagho.”

1 Samueli 13:14

Aye mpegaano obwakyabazinga bwo tibuubenga bwa nsikirano. Musengwa Katonda anooniizaayo omuntu mwene y'asiimye, yaamutaagho okukulemberanga abantu be, kuba iwe togemye kye yakulagira.”

1 Samueli 15:1

Agho Samueli yaakoba Saulo ati: “Musengwa Katonda yantuma okwidha y'oli okukusiiga omuzigo, obe kyabazinga ow'abantu be Abaisiraeli. Buti ni wulira by'akoba.

1 Samueli 15:17

Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”

1 Samueli 24:6

Yaakoba abasaadha be ati: “Musengwa Katonda anhambe ndobe kubaaku kabi ke nkola musengwa wange kyabazinga, Musengwa Katonda oyo ye yasiiga omuzigo. Tighanga naire kugalula mukono ni ndhita oyo Musengwa Katonda ye yasiiga omuzigo.”

1 Samueli 26:11

Tikiribaagho nze okukola akabi ku muntu Musengwa Katonda ye yasiiga omuzigo! Aye toola eifumo eryo gha mutwe gwe, n'ekidoome eky'amaadhi, ife tuje.”

1 Samueli 26:9

Aye Daudi yaakoba Abishai ati: “Busa, otamuzikiriza, kuba naani akola akabi ku oyo Musengwa Katonda ye yasiiga omuzigo, n'atabaaku musango?”

1 Samueli 8:19

Aye abantu baaloba kuwulirisa Samueli bye yabakoba, era baakoba bati: “Busa! Ife twidha kuba ni kyabazinga anaatufuganga,

1 Samueli 8:9

Kale ni wulirisa kye bali kukukoba. Aye balabule bukalamu ku nsambo kyabazinga y'aja okubabisangamu.”

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”

1 Samueli 9:27

Bwe baatuuka ekibuga ghe kikanga, Samueli yaakoba Saulo ati: “Koba omugheereza wo abitegho, ajenga emberi. Iwe oyemerereku ghano katono, nkumanhise Katonda ky'akobye.”