1 Samueli 1:26 - Baibuli Ekibono kya Katonda 2014

²⁶ Hanna yaakoba Eli ati: “Musengwa Katonda ghangaala! Ninze omukazi ole eyali ghano mu maiso go ng'ali kusaba Musengwa Katonda.

1 Samueli 1:26 ပူးပေါင်းရင်းမြစ်များ

Amainhama 42:15

Leka mbalebe nti: ndayiire mu liina lya kyabazinga, timuja kuva ghano, okutoolaku nga muganda waimwe asembayo obuto aidhie ghano.

2 Samueli 11:11

Uria yaamwiramu ati: “Esanduuku y'Endagaano eri mu ntindi, n'abasaadha aba Isiraeli n'aba Yuda boonaboona basula mu ntindi. Era musengwa wange Yoabu n'abagheereza be, basimbye weema dhaibwe mu irungu. Memale nze nnaaja ntya eka, okulya, okunhwa n'okusula ni mukazi wange? Busa naire. Ndayira musengwa wange iwe kyabazinga omulamu nti, tiidha kukola kintu ng'oti n'ekyo.”

2 Samueli 14:19

Kyabazinga yaamubuuza ati: “Yoabu ti n'eyakughaire amagezi ago goonagoona?” Omukazi yaamwiramu ati: “Bwenebwene nkulayirira iwe Isebantu kyabazinga, nti mu ekyo ky'okobye muziramu kubuusabuusa naire. Omugheereza wo Yoabu n'eyankobye ebyo byonabyona, era yangalagira nze omwiru wo omukazi bwembe mbikukobe.

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

2 Bakyabazinga 2:4

Agho Eliya yaakoba Elisha ati: “Elisha, nkweghemba osigale ghano, kuba nze Musengwa Katonda antumye e Yeriko.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Yeriko.

2 Bakyabazinga 2:6

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ku mwiga Yorudani.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale bombi beeyongerayo,

2 Bakyabazinga 4:30

Inhina w'omwana yaakoba ati: “Ndayira mu Musengwa Katonda omulamu, era nga weena bw'oli omulamu, nti tiidha kukuleka.” Kale, Elisha yaasituka, yaaja naye.

1 Ebyomubyanda 4:10

Yabezi yaasaba Katonda ati: “Wo Katonda, mpa enkabi, ogaziye ekiketezo kyange, era banga ghalala ninze okumponia buli kabi, kalobenga kuntuukaku.” Era Katonda yaamugha kye yasaba.

1 Samueli 17:55

Saulo bwe yabona Daudi ng'ali kuja okulwanisa Omufilisiti, yaabuuza Abuneri omuduumizi w'eigye ati: “Abuneri, omwisuka oyo mutabane w'ani?” Abuneri yaamwiramu ati: “Isebantu kyabazinga, ndayira mu maiso go nti tiidhi naire.”

1 Samueli 20:3

Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.