1 Samueli 1:23 - Baibuli Ekibono kya Katonda 2014

²³ Elukana yaamwiramu ati: “Kale kola ky'obona nga n'ekigwaine, okutuusa lw'alikula n'ava ku mabeere. Aye nsaba Musengwa Katonda akakase ekibono kye.” Kale Hanna yaasigala ghaka ng'alera omwana we okutuusa bwe yakula naava ku mabeere.

1 Samueli 1:23 ပူးပေါင်းရင်းမြစ်များ

2 Samueli 7:25

“Wo Musengwa Katonda wange, mperaano ni kuumanga ekyo ky'osuubiiza nze omugheereza wo n'ab'endhu yange era okituukirizenga.

1 Bakyabazinga 3:21

Bwe nasitukagho enkyo okwonsa omwana wange, naja okubona ng'afiire. Aye bwe namwekalirisa obukalamu, naja okubona nga ti n'omwana wange ye nazaala.”

Zabbuli 22:9

Ate nga niiwe owantoola mu nda ya maama, ni bwe nali ku mabeere nga nhonka ng'onkuuma.

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Okubala 30:12

Aye iba bw'anaabimuloberanga n'abisazaamu ku lunaku lw'abiwuliire, olwo byonabyona omukazi oyo bye yayogera eby'obweyamo bwe oba eby'ekirayiro kye yasuubiza okubaaku ekintu ky'aneerumyamu, binaabanga nga tibikaamufuga. Era Musengwa Katonda aidha kumusonighanga.

Matayo 24:19

Abalinda n'abayonsa mu nnaku edho nga balidaagadaaga inho!

Luka 11:27

Agho olwatuuka, Yesu bwe yali akaayogera ebyo, ghaabaagho omukazi mu bantu, yaayogerera ghaigulu ati: “Enda mwe wali ya nkabi, n'amabeere ge wayonka ga nkabi!”

1 Samueli 1:17

Agho Eli yaamwiramu ati: “Ja n'emiraala! Nsaba Katonda wa Isiraeli akughe ekyo ky'omusabye.”

1 Samueli 14:36

Agho Saulo yaakoba ati: “Mukole tuje tulumbe Abafilisiti obwire, tubanhage ebintu okutuusa bwe bunaakya, era tubaite boonaboona tubamalegho.” Baamwiramu bati: “Kola kyonakyona ky'obona nga n'ekirungi.” Aye kabona yaakoba ati: “Leka twebuuzeeku ku Katonda memale.”

1 Samueli 14:40

Agho yaakoba Abaisiraeli boonaboona ati: “Imwe mube ku luuyi olundi, ate nze ni mutabane wange Yonathani tube ku lundi.” Abantu baamwiramu bati: “Kola ekyo ky'obona nga n'ekirungi.”