1 Samueli 1:19 - Baibuli Ekibono kya Katonda 2014

¹⁹ Bwe bwakya enkyo Elukana n'ab'omu ndhu ye baasinza Musengwa Katonda. Bwe baamala bairayo mu maka gaibwe e Rama. Agho Elukana yaaba ni mukazi we Hanna mu buliri, era Musengwa Katonda yaidhukira Hanna oyo.

1 Samueli 1:19 ပူးပေါင်းရင်းမြစ်များ

Amainhama 21:1

Musengwa Katonda yagemerwa Sara ekivunika era yaamukolera nga bweyamusuubiza.

Amainhama 30:22

Agho Katonda yaidhukira Rakeli, yaawulira okusaba kwe, yaamugha okuzaala.

Amainhama 4:1

Adamu yaaba ni mukazi we Eva, yaatoola enda. Yaazaala omwana era yaakoba ati: “Nfunie omwana nga Musengwa Katonda n'ambeera.” Kale yaamutuuma eriina Kaini.

Amainhama 8:1

Katonda yaidhukira Noa, era n'ensolo edh'omu nsiko, n'edho enfuge dhe yali nadho mu lyato. Katonda yaasindika empewo yaafuuwa ku nsi, amaadhi gaakendeera.

2 Bakyabazinga 4:17

Aye omukazi yaatoola enda, era mu kiseera ng'oti n'ekyo mu mwaka ogwairirira, yazaala omwana mulenzi, ng'Elisha bwe yamukoba.

Zabbuli 119:147

Mu nkyonkyo mpuuna naakusaba okumbeera nga neesiga ekisuubizo kyo.

Zabbuli 136:23

Oyo n'eyatubeera ng'omuzigu atughangwire; okugonza kwe tikukoma, kubaagho byanda na byanda.

Zabbuli 25:7

Otaidhukira bibi byange na bisobyo byange eby'omu, buto aye olw'okugonza kwo okungi, n'olw'obulungi obw'eriina lyo, nze ondidhukiranga.

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Zabbuli 55:17

Enkyo, n'omusana, n'eigulo, mmukobera ebiinuma, n'ebindeetera okusinda era aidha kumpulira.

Mariko 1:35

Enkyo Yesu yaawuuna be pwi pwi pwi nga n'endhuba ekaali kuvaayo, yaasituka yaaja mu kifo ezira bantu yaaba eyo ng'asaba.

Luka 23:42

Yaakoba Yesu ati: “Ondidhukiranga ng'otuuse mu Bwakyabazinga bwo.”

Yoshua 18:25

Ghaabaagho ekiketezo ekindi kye baabagha ekyalimu ebibuga bino: Gibeoni, Rama, Beerothi,

1 Samueli 1:1

Ghaaligho omusaadha ye baayetanga Elukana eyabanga mu Ramathaimu Zofimu mu biketezo bya Efuraimu eby'ensozi. Elukana oyo yali mutabane wa Yerohamu. Yerohamu oyo yali mutabane wa Elihu. Elihu oyo yali mutabane wa Tohu. Ate Tohu oyo yaaba mutabane wa Zufa Omuefuraimu.

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 15:34

Agho Samueli yaaja e Rama, ni Saulo yeena yaaja mu maka ge e Gibea ekya Saulo.

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 19:18

Agho Daudi yaalumuka yaabulagho, yaaja yaatuuka ye Samueli e Rama, yaamukobera byonabyona Saulo bye yamukola. Daudi oyo ni Samueli baaja e Naiothi baaba eyo.

1 Samueli 2:11

Agho Elukana yairayo eka. Omulenzi yaasigala ng'agheereza Musengwa Katonda, nga Eli n'amulabirira.

1 Samueli 25:1

Agho Samueli yaafa. Abaisiraeli boonaboona beesoloza okumulira, baamuziika mu maka ge e Rama. Ebyo olwawa, Daudi yaasitula, yaaja mu irungu ery'e Parani.

1 Samueli 7:17

Bwe yamalanga, yairayo e Rama, n'eyabanga amaka ge. Era eyo yoona yaalamulirangayo Abaisiraeli, era yaazimbirayo Musengwa Katonda alutaari.

1 Samueli 8:4

Agho abakulu b'ebikunsu mu Isiraeli beesoloza baaja ye Samueli e Rama.

1 Samueli 9:26

Agho obwire nga buli kukya, Samueli yaayeta Saulo ghaigulu ku ndhu, ng'amukoba ati: “Situkagho nkusiibule oje.” Agho Saulo yaasitukagho, baafuluma bombi ni Samueli.