1 Samueli 1:18 - Baibuli Ekibono kya Katonda 2014

¹⁸ Hanna yaakoba ati: “Nkweghemba nze omwiru wo omukazi, ondeeterenga okusiimibwanga.” Agho yaaja yaalya emere, era yaalekera agho okunakughala.

1 Samueli 1:18 ပူးပေါင်းရင်းမြစ်များ

Amainhama 32:5

Era ndi n'ente, n'endogoyi, n'ebighaso by'entaama n'embuzi, era n'abairu abasaadha n'abakazi. Nkutumiire okukukobera, musengwa wange, ongemerwe ekivunika.’ ”

Amainhama 32:6

Abakwenda bwe baira eri Yakobo, baakoba bati: “Twaja ye muganda wo Esau, era ali mu ngira ali kwidha okukwagaana. Ali kwidha n'abasaadha ebikumi bina.”

Amainhama 33:15

Kale Esau yaakoba ati: “Kale ni ka nkulekere ku bantu be ndi nabo.” Aye Yakobo yaakoba ati: “Musengwa wange ekyo tikyetaagisa, kasita oba ng'ongemeirwa ekivunika.”

Amainhama 33:8

Esau yaabuuza ati: “Ekikunsu ekyo kyonakyona kye ndhagaine, kitegeeza ki?” Yakobo yairamu ati: “Kyenda iwe musengwa wange ongemerwe ekivunika.”

Zabbuli 34:6

Omuntu omunaku Musengwa Katonda amuwulira yaamuwonia, yaatoolagho ebizibu bye byonabyona.

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Yoanne 16:24

Ni ye buli eno timusabangaku kintu kyonakyona mu liina lyange. Musabe muligheebwa, okusagamba kwaimwe kwatuukirira.

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ruthi 2:13

Ruthi yaamwiramu ati: “Isebo ondholeike ekisa ekinene, bw'oyogeire ninze mu bibono ebindhiziizaamu amaani, waire nga tibalirwa mu bakozi bo abakazi.”

Ruthi 2:2

Lulala, Ruthi Omumoabu yakoba Naomi ati: “Njeeku mu misiri eyo nonderonde ku sayiri aja ng'akunkumuka ku bakungula? Nkakasa nga ndidha kwagaanayo ananganha okukola ekyo.” Naomi yaamwiramu ati: “Kola oje mwana wange.”