1 Samueli 1:10 - Baibuli Ekibono kya Katonda 2014

¹⁰ Hanna yaaja yaasaba Musengwa Katonda nga munakughavu inho, era ng'ali kulira amaziga inho.

1 Samueli 1:10 ပူးပေါင်းရင်းမြစ်များ

Amainhama 30:1

Rakeli bweyabona nga tazaalira Yakobo baana, yaagemerwa muganda we ensaalwa, yaakoba Yakobo ati: “Mpa abaana, oba ti n'ekyo ntuuse okufa.”

Amainhama 50:10

Bwe baatuuka mu kifo aghakubirwa engaano, eky'e Atadi e buvandhuba wa Yorudani, baakubira eyo empungu nhingi inho okumala ekiseera. Era Yosefu yaamala enaku musanvu ng'alira ise.

2 Samueli 13:36

Olwamala okwogera ati, nga batabane ba kyabazinga batuuka. Bwe baatuuka baakuba empungu, baalira inho. Ni kyabazinga ghalala n'abagheereza be, boona baagegenga.

2 Samueli 17:8

Hushai era yaayongeraku ati: “Okiidhi nga lata wo n'abasaadha be ba maani agataloodheka, ate nga bali n'obusungu ng'oti n'ekisolo ekikambwe ekitooleibwaku ebyana byakyo. N'ekindi lata wo eby'entalo abiidhi inho, taidha kutenduka ghalala na bantu.

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

Yobu 10:1

“Neesiniirwa obulamu, ndidha kwemuluguunhia abantu bawulire, ndidha kwatula enaku endi ku mwoyo.

Yobu 7:11

Kale tiidha kusirika, ndidha kulira obughafu bwange, ndidha kwogera enaku endi ku mwoyo.

Yobu 9:18

Tanganha kugheeraku naire, aye anhongera bwa nnaku.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Ensambo 14:10

Omuntu amanha nnaku eri ku mwoyo gwe, era ghazira ategeera isanhu liri ku mwoyo gwa mwine.

Isaia 38:15

Tiidhi na kya kwogera, kuba Musengwa Katonda mwene n'aleeteire ebyo okubaagho. Ndi n'enaku nhingi ku mwoyo, n'amaani gampoiremu. Era tikaatenduka na ndoolo.

Isaia 54:6

Isiraeli, oli ng'oti n'omukazi omufumbo akaali omuto, iba ye yabayiza, ate n'amala n'amuvaaku n'amulekulira agho mu nnaku; era oli ng'oti n'omukazi iba ye yabinga n'asigala nga munakughavu. Aye mpegaano Musengwa Katonda akweta oire y'ali, ng'akoba ati:

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 22:10

Imwe abantu b'omu Buyudaaya, mutalirira kyabazinga Yosia eyafa era mutamulumirwa mwoyo. Aye mulirire inho mutabane we Yoahazi ye bali kutwala nga ti wa kwira; kuba taja kwirayo kubona ku nsi ye yazaalibwamu kabiri.

Okulira 3:15

Yandeetera okudaagadaaga okutaloodheka, kwankaayirira ng'oti n'omuntu ye bakaka ebikaagha.

Luka 22:44

Yaawulira enaku mu mwoyo, yaasaba inho, yaagezimula era olugezi lwaba ng'oti matondo ga musaayi n'agali kutoonha ku itaka.]

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

Abalamuzi 21:2

Agho Abaisiraeli baaja e Betheli, baatyama eyo mu maiso ga Musengwa Katonda okutuusa eigulo. Baawowoola nga balira amaziga kamaala,

Ruthi 1:20

Aye yaabakoba ati: “Mutandheta Naomi, mundhete Mara ekitegeeza okukaayirira, kuba Katonda oyo Aghanga Ebintu Byonabyona yandeetera obulamu okunkaayira.

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 1:9

Lwali lulala, nga bamaze okulya n'okunhwa e Shilo, Hanna yaasituka. Mu kiseera ekyo Eli kabona yali atyaime ku kityamo kye kumpi n'omwango ogw'omulyango gw'eisinzizo lya Musengwa Katonda.