1 Petero 2:9 - Baibuli Ekibono kya Katonda 2014

⁹ Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Petero 2:9 ပူးပေါင်းရင်းမြစ်များ

Zabbuli 106:5

Nsobole okubona ng'abantu bo be weerondera, obulamu bubajiira bukalamu. Olwo nsagambire ghalala n'eighanga lyo, era neesiime n'abo ababo.

Zabbuli 118:27

Musengwa Katonda ni Katonda, yatukolera ebirungi kamaala. Aleeni mutoolere ekibinuko nga mugemye ensaga, nga mukaadha okutuukira irala ku alutaari.

Zabbuli 135:4

Musengwa Katonda yeerondera aba Yakobo, abantu ba Isiraeli, yaabafuula ababe ku bubwe.

Zabbuli 22:30

Ense edh'abaliiragho dhirimugheereza, abantu balighayira oluse olwidha ku Musengwa Katonda,

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Zabbuli 73:15

Ngoli nakoba nti ka ndhogere ng'oti n'abo, nandibaire nkoze ng'oti n'atali wa mu bantu bo.

Isaia 26:2

Mwigulegho emiryango gyakyo, muleke abantu ab'eighanga eryesiga Katonda baingire, abantu abo abakola ebituufu.

Isaia 41:8

Aye iwe eighanga Isiraeli, oli mugheereza wange, oli mwidhukulu wa Yakobo, era niiwe ye nalondamu, iwe eizaire lya Aburahamu mukagwa wange.

Isaia 42:16

Ndikulemberamu abatulu, naababisa mu ngira dhe bataidhi. Enzikiiza ye balimu ndigifuula butangaavu, naasaania aghali ebikonko, baabita aghatereevu. Ebyo ndibibakolera, era tiribalekulira agho.

Isaia 44:1

Musengwa Katonda akoba ati: “Mpegaano muwulire imwe baidhukulu ba Yakobo omugheereza wange, imwe Abaisiraeli be nalondamu.

Isaia 61:6

Aye imwe, abantu balibeetanga bakabona ba Musengwa Katonda, era abagheereza ba Katonda waife. Mulikozesanga obukombe bw'amaghanga, bwabaleeteranga imwe okuteebwamu ekinhagansi.

Isaia 62:12

Mulyetebwa “Bantu batukuvu,” era “Abantu aba Musengwa Katonda abaanunulwa.” N'iwe Yerusalemu olyetebwa “Kibuga Katonda ky'ayenda,” era “Kibuga Katonda ky'atalekulirangaku agho.”

Isaia 66:21

Abandi ku abo ndibafuula bakabona na Balevi. Nze Musengwa Katonda, ninze nkobye.

Isaia 9:2

Abantu abaabanga mu nzikiiza, baboine obutangaavu bungi; abo abaabanga mu nzikiiza eri bedimudimu ng'oti n'ey'e magombe, ekimulika kibaakiire.

Malaki 3:17

Musengwa Katonda Afuga Amagye akoba ati: “Abo baliba bantu bange, nga bange mu ngeri ey'endhawulo. Era ku lunaku lwe ndituukirizaaku ekibonerezo kye ntegeike, abo ndibasaasira ng'omuzaire bw'asaasira omwana we omugonvu amugheereza.

Matayo 4:16

Abantu abaabanga mu kizikiiza baboine obutangaavu obunene. N'abo ababaire mu nsi ey'olumbe n'ekinsense kyayo, ekimulika kibaakiire.”

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Luka 1:79

Okwakira abo abatyaime mu nzikiiza ni mu kinsense eky'olumbe, n'okutereeza ebigere byaife mu ngira ey'eidembe.”

Yoanne 17:19

Nze neeghaayo ku lwaibwe, memale boona beegheeyo mu mazima.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ebikolwa by'Abatume 26:28

Agurippa yaakoba Paulo ati: “Mu kaseera kano akatono odhuuba okunfuula Omukurisito?”

Ab'e Roma 9:24

Kuba niife be yayeta, ti kuva mu Bayudaaya mwonka aye n'okuva mu bamaghanga agandi,

1 Ab'e Korintho 3:17

Kale buli muntu azikiriza eisinzizo lya Katonda, Katonda alimuzikiriza kuba eisinzizo lya Katonda itukuvu era imwe beene niimwe eisinzizo eryo.

Ab'Efeso 1:14

Mwoyo Mutukuvu oyo n'omusingo okukakasa nga tulifuna ebyo Katonda bye yatusuubiza, tusaake ekitiisa kye.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Ab'Efeso 3:21

agheebwe ekitiisa mu Kikunsu ky'Abaikiriza mu Kurisito, ni mu Kurisito Yesu, ni mu nse dhoonadhoona, ebyanda n'ebyanda. Amiina.

Amateeka Agokubiri 10:15

Aye Musengwa Katonda yagonza inho badhaadha baimwe, kyeyava n'alonda imwe baidhukulu baibwe mu b'amaghanga agandi goonagoona. Era n'okutuusa mpegaano mukaali abantu be abalondemu.

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Amateeka Agokubiri 18:2

Tibaabenga na itaka lya nsikirano ng'ab'ebika ebindi. Omugabo gwaibwe gunaabanga mu kuba bakabona ba Musengwa Katonda, nga Musengwa Katonda bweyasuubiza.

Amateeka Agokubiri 4:20

Aye imwe yabagemaku, yaabatoola e Misiri ye mwabanga ng'oti n'abali mu muliro ogw'amaani ogusaanuusa ekyuma ekigumu einho. Yaabafuulira irala abantu be nga bwe muli mpegaano.

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

Ab'e Filippi 3:14

Neekalangula okutuuka ku kigendererwa, nfune ekirabo eky'obulamu obw'omu igulu Katonda kye yandhetera mu Kurisito Yesu.

Ab'e Kolosai 1:13

Yatutoola mu bufuge obw'ekizikiiza yaatwiza mu Bwakyabazinga obw'Omwana we omugonzi.

2 Timotheo 1:9

Ono yatulokola era yaatweta okuba ababe. Kino tiyakikola lwa bikolwa bye twakola, aye olw'ekigendererwa kye mwene era n'olw'ekisa, kye yatulaga mu Kurisito Yesu okuva eira n'eira.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

Okwolekebwa 1:6

yaatufuula obwakyabazinga, era yaatufuula bakabona ba Katonda Ise. Agheebwenga ekitiisa n'obuyinza ebyanda n'ebyanda. Amiina.

Okwolekebwa 20:6

Ba nkabi era batukuvu abazuukirira mu kuzuukira kuno okusooka. Abo, okufa okwokubiri kubaziraku bukumu, aye baliba bakabona ba Katonda era ba Kurisito era balifuga naye emyaka lukumi.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”

1 Samueli 12:22

Musengwa Katonda, olw'eriina lye eikologho, taja kubalekulira agho imwe, kuba yasiima mwene okubafuula eighanga lye.