1 Petero 2:24 - Baibuli Ekibono kya Katonda 2014

²⁴ Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

1 Petero 2:24 ပူးပေါင်းရင်းမြစ်များ

Amainhama 22:6

Aburahamu yaatoola enku edh'okwokya ekigheebwayo, yaadhitwika omwana we Isaaka, mwene yaagema omuliro n'akambe, baaja bombi.

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 38:4

Ebibi byange byebunze emungo ensinga n'obuleeyi, era bizitogha inho tisobola na kubibbeeda.

Okuvaayo 28:38

Era kaidha kubanga mu bweni bwa Aaroni okwoleka nti aikiriiza okwetwika ensobi dhoonadhoona edhisobola okukolebwa mu kughaayo ebigheebwayo ebitukuvu, Abaisiraeli bye bampa nze Musengwa Katonda, olwo mbe nga mbiikiriza.

Ensambo 20:30

Emiigo eginuubula gigolola empisa embi, n'okuwaiga omuntu kwamumaliramu irala emize emibi.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Abalevi 16:22

Embuzi eyo n'enaatwalanga ebibi byaibwe byonabyona, yaaja nabyo mu nsi eziramu bantu. Oyo agitwala anaagirekuliranga eyo mu irungu.

Abalevi 22:9

“Bakabona boonaboona banaatuukirizanga bye mbalagira, balobenga kwonoona ni bafa olw'okubinhooma. Ninze Musengwa Katonda abafuula abatukuvu.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Okubala 18:22

Okuva ni mpegaano, Abaisiraeli abandi abatali Balevi bataseetanga kumpi na Weema eyo, olwo balobe kwereetaku kibi kya kubaitisa.

Okubala 7:15

ente ento enume ndala, entaama ento enume ndala ey'omwaka omulala, n'entaama enume ndala enkulu; ekyo nga n'ekigheebwayo ekyokebwa.

Matayo 27:26

Agho Pilato yaabalekulira Barabba ate Yesu nga bamaze okumuwaiga enkoba, yaamubagemya bamukomerere ku musalaba.

Matayo 5:20

Ka mbakobere: okutoolaku ng'obutuufu bwaimwe busingaku obw'Abanamateeka n'Abafarisaayo, timulingira mu Bwakyabazinga bwa mu igulu.

Matayo 8:17

Kino kyatuukiriza omulanzi Isaia kye yakoba ati: “Yatuwonia ebituluma, yeetwika ebirwaire byaife.”

Mariko 15:15

Agho Pilato olw'okwenda okusiimya ekiyindi, yaabalekulira Barabba, era yaaghaayo Yesu akomererwe ku musalaba ng'amaze okumukuba enkoba.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 19:1

Agho Pilato yaatwala Yesu amukube enkoba.

Ebikolwa by'Abatume 10:35

Aye mu buli ighanga, asiima kiisi amwisaamu ekitiisa era n'akola ekituufu.

Ebikolwa by'Abatume 10:39

Niife abakakasa ebyo byonabyona bye yakola mu nsi ey'Abayudaaya ni mu Yerusalemu. Baamukomerera ku musalaba, baamwita.

Ebikolwa by'Abatume 13:29

Bwe baamala okutuukiriza nga byonabyona ebyaghandiikibwa bwe bimwogeraku, baamughanula ku musalaba baamuta mu magombe.

Ebikolwa by'Abatume 5:30

Katonda wa badhaadha baife yazuukiza Yesu ye mwakomerera ku musalaba n'afa.

Ab'e Roma 6:11

Mu nsambo n'endala mwena muteekwa okwetwala ng'abaafa olw'ekibi, aye atenga muli balamu mu bulamu bwa Katonda mu Kurisito Yesu.

Ab'e Roma 6:13

Timughangayo bitundu bya mibiri gyaimwe y'ekibi okubikozesa mu kwonoona. Aye mweghengayo ye Katonda oti n'abantu abaviire mu kufa ni baira mu bulamu, era mwegheereyo irala ye Katonda abakozesenga ebikolwa eby'obutuufu.

Ab'e Roma 6:16

Timwidhi nga bwe mweghaayo ng'abairu abawulize, muba bairu b'ekyo kye mugondera? Bwe mutaba bairu ba kibi ekireeta okufa, muba bairu ba buwulize obubaleetera okuba abatuukirivu ye Katonda.

Ab'e Roma 6:2

Busa naire. Oba nga olw'ekibi twafa, kabiri tughanga tutya okuba nga tukaali balamu mu kibi?

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 6:7

Omuntu bw'afa aba takaafugibwa kibi.

Ab'e Roma 7:6

Aye mperaano titukaafugibwa Mateeka, kuba twafa twayawukana n'Amateeka agaali gatufiire abasibe. Titukaagheereza mu nsambo ey'eira ekolera ku mateeka amaghandiike, aye tugheereza mu nsambo empyaka eya Mwoyo.

1 Ab'e Korintho 15:3

Nabagha ekibono ekisinga bukulu, zeena kye nagheebwa, ekikoba kiti Kurisito yafa olw'ebibi byaife nga bwekiri mu Byaghandiikibwa.

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Ab'Efeso 5:9

omuva ebirungi byonabyona, obutuufu n'amazima.

Ab'e Filippi 1:11

Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Kolosai 2:14

Ng'amaze okusazaamu endagaano ey'ebitubandhibwa, ni byonabyona ebyali bitusiba mu ndagaano eyo eyali etuli obubi, yaagitoolagho yaagikomerera ku musalaba.

Ab'e Kolosai 2:20

Oba nga bwe mwafa ni Kurisito mwawona okufugibwa emizimu egifuga ensi, memale lwaki muba oti mukaali ba nsi? Lwaki muwulira ebiragiro ng'oti ni bino:

Ab'e Kolosai 3:3

Kuba mwafa era obulamu bwaimwe bwagisibwa ghalala ni Kurisito mu Katonda.

Abaheburayi 10:10

Twatukuzibwa, kuba Yesu Kurisito yakola ekyo Katonda kye yayenda bwe yaghaayo omubiri gwe omukuzi omulala guti nga gumala.

Abaheburayi 10:5

Kale Kurisito bwe yali nga aidha mu nsi kyeyava n'akoba ati: “Emisengo n'ebigheebwayo tiwabyenda, aye wantegekera omubiri.

Abaheburayi 12:13

Mutambulirenga mu ngira enkalamu, aghenhera alobe kulemalira irala aye awone.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

Yakobo 5:16

Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

1 Yoanne 2:29

Oba nga mwidhi muti oyo mutuufu, era mumanhe muti kiisi akola eby'obutuufu aba mwana we.

1 Yoanne 3:7

Baana bange, ghatabaagho abasubaghanga. Akola eby'obutuufu aba mutuufu oti ni Kurisito mwene bw'ali omutuufu.

Okwolekebwa 22:2

Gwakulukutira ghagati gh'oluguudo lw'ekibuga ekyo. Eruuyi n'eruuyi ew'omwiga ogwo ghaaligho omuti ogw'obulamu, ogwama ebibala emikuzi ikumi n'ebiri omwaka, nga gwama buli mwezi. Amakaba gaagwo nga ga kuwonia amaghanga goonagoona.