1 Petero 2:17 - Baibuli Ekibono kya Katonda 2014

¹⁷ Buli muntu mumutengamu ekinhagansi. Mugonzenga aboluganda. Mutyenga Katonda, era ni Kyabazinga mumutengamu ekinhagansi.

1 Petero 2:17 ပူးပေါင်းရင်းမြစ်များ

Amainhama 20:11

Aburahamu yairamu ati: “Kuba nabaire ndowooza nti eno ezira atya Katonda, kale nga basobola okundhita olwa mukazi wange.

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

Amainhama 42:18

Ku lunaku olw'okusatu Yosefu yaabakoba ati: “Nze ndi muntu atya Katonda. Kale mukole kye nja okukoba, memale mughange okuwonia obulamu bwaimwe:

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 23:17

Oteegombanga boonooni naire, aye sigalanga ng'otya Musengwa Katonda ekiseera kyonakyona.

Ensambo 24:21

Mwana wange otyanga Musengwa Katonda ni kyabazinga, era otabadheemeranga.

Omulangirizi 8:2

Ogonderanga ekiragiro kya kyabazinga olw'ekirayiro kye walayira.

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Zekaria 11:14

Naatoola omwigo ogwokubiri gwe natuuma eriina “Kweyimba”, naagumenhamu okusazaamu okweyimba kwa Buyudaaya ni Isiraeli.

Matayo 22:21

Baakoba bati: “Bya Kaisari.” Agho yaabakoba ati: “Kale ni ebya Kaisari mubiirize Kaisari n'ebya Katonda mubiirize Katonda.”

Yoanne 13:35

Kiisi muntu bw'agonzanga mwine, ku ekyo abantu boonaboona kwe balimanhira nga muli beegeresebwa bange.”

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 13:7

Kale ni boonaboona mubaghenga kye muteekwa okubagha. Asoloza omusolo mugumughenga, asoloza empooza mugimughenga, agwaine okutiibwa mumutyenga, era n'ow'ekitiisa mukimughenga.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Ab'Efeso 5:21

Buli muntu awulirenga mwine olw'okwisaamu Kurisito ekitiisa.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

1 Timotheo 6:1

Abo abairu bagwaine okuta einho mu basengwa baibwe ekinhagansi, eriina lya Katonda, n'endhegeresa ey'Ekikurisito birobe kwogerwaku bubi.

Abaheburayi 13:1

Mujenga mu maiso n'okugonzania ng'aboluganda mu Kurisito.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Petero 2:13

Ku lwa Musengwa muwulirenga kiisi mufuzi ow'oku nsi, leka abe kyabazinga,

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

1 Samueli 15:30

Agho Saulo yaakoba ati: “Nayonoona, mala gantaamuuku ku kanhagansi mperaano mu maiso g'abakulembeze ab'abantu bange n'ag'Abaisiraeli boonaboona, oireyo ninze nsobole okusinza Musengwa Katonda wo.”