1 Ebyomubyanda 9:1 - Baibuli Ekibono kya Katonda 2014

¹ Abaisiraeli boonaboona baaghandiikibwa mu nkalala edh'obuzaale bwaibwe. Enkalala edho dhaaghandiikibwa mu Kitabo kya Bakyabazinga ba Isiraeli. Agho abantu b'omu kika kya Yuda baali nga bamaze okutwalibwa e Babilonia mu bunhage, ng'ekibonerezo olw'ebibi byaibwe.

1 Ebyomubyanda 9:1 ပူးပေါင်းရင်းမြစ်များ

1 Bakyabazinga 14:19

Ebindi byonabyona Yeroboamu bye yakola, entalo dhe yalwana, n'ensambo ye yafugamu, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 24:14

Nebukadinezzari yaatwala abantu b'omu Yerusalemu ng'abanhage: abakungu boonaboona, n'abantu boonaboona ab'amaani abaziramu ntete naire, baagherera irala abasibe omutwalo mulamba (10,000) woonawoona. Era yaatwala abagheesi n'abakugu mu mirimo egya buli nsambo. Ghazira baasigalayo mu Buyudaaya, okutoolaku abo abaali abaavu bweyavuyavu.

2 Bakyabazinga 24:15

Kyabazinga w'e Babilonia yaatwala Yehoiakini e Babilonia ghalala n'inhina, ni bakazi be, n'abakungu be, n'abantu abakologho mu Buyudaaya. Yabatoola e Yerusalemu, yaabatwala e Babilonia nga basibe.

2 Bakyabazinga 24:16

Abasaadha boonaboona ab'amaani abaziramu ntete naire baali kasanvu (7,000). Ate abakugu mu kukola emirimo, omwali n'abagheesi, baali lukumi (1,000). Abo boonaboona baali ba maani abaziramu ntete naire, nga basobola okulwana olutalo. Abo boonaboona yaabatwala e Babilonia nga basibe.

1 Ebyomubyanda 8:40

Batabane ba Ulamu baali balwani ba maani, abakugu mu kulasa obusaale. Baaliku abaana n'abaidhukulu kamaala, nga boonaboona aghalala baghera kikumi n'ataanu. Abo boonaboona n'abaali mu kika kya Benjamini.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

Ezera 2:1

Gano n'amaina ag'abantu ab'omu kiketezo eky'e Buyudaaya abaira okuva mu nsi Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Ezera 2:59

Mu baira okuva mu bunhage mwalimu abaava e Telimela, n'e Teliharisha, n'e Kerubu, n'e Addani, n'e Immeri. Aye abantu abo baali bazira bukakafu bwoleka nda dha baiseibwe dhe baavaamu, waire obukakafu obwoleka oba nga baali Baisiraeli beenebeene.

Nehemia 11:1

Agho abakulembeze b'abantu baasenga mu Yerusalemu baabanga omwo, aye abantu abaasigalagho abandi baakuba obululu okulonda omuntu omulala omulala ku buli bantu eikumi, okubanga mu Yerusalemu ekibuga ekitukuvu. Ate bale omwenda abasigalagho ku buli bantu eikumi, nga ba kubanga mu bibuga ebindi.

Nehemia 7:5

Katonda yanta mu mwoyo ekirowoozo, nkobe abakungu n'abakulembeze b'abantu, n'abantu abandi boonaboona, beesoloze beeghandiise ng'obuzaale bwaibwe bwe bwali. Era naazuula ekitabo kye baaghandiikamu obuzaale bw'abo abaasooka okuva mu bunhage nga kirimu bino:

Nehemia 7:64

Abantu abo baabanoonia mu nkalala dh'obuzaale aye nga tibabonekamu, kale baabalekeza okukola nga bakabona, nga batwalibwa ng'abatali balongoofu.

Isaia 3:2

Aja kutoolagho abantu ab'amaani n'abaisirukale, abalamuzi n'abalanzi, abalaguzi n'abakulu b'ebika,

Yeremia 13:19

Ebibuga ebiri mu kiketezo kya Buyudaaya ekikalukalu ekiri ku luuyi olw'omukono omusaadha olw'e buvandhuba, babizingiiza. Ghazira muntu asobola kubita kubituukaku. Abantu b'omu Buyudaaya boonaboona batwaliibwa mu bunhage.”

Yeremia 39:9

Agho Nebuzaradani omukulu w'abaisirukale Abababilonia yaatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.