1 Ebyomubyanda 29:29 - Baibuli Ekibono kya Katonda 2014

²⁹ Byonabyona kyabazinga Daudi bye yakola, okuviira irala ku kyasooka okutuukira irala ku kyasembayo, biri mu bighandiiko by'abalanzi, Samueli, ni Nathani, ni Gadi.

1 Ebyomubyanda 29:29 ပူးပေါင်းရင်းမြစ်များ

2 Samueli 24:11

Gadi omulanzi yali nga n'agha Daudi ku magezi. Kale Daudi oyo bwe yasitukagho ku nkyo, Musengwa Katonda yaakoba Gadi ati:

1 Bakyabazinga 11:41

Ebindi byonabyona ebyogerwa ku Solomoni, ni byonabyona bye yakola, era n'amagezi ge, byaghandiikibwa mu Kitabo ky'Ebikolwa bya Solomoni.

1 Bakyabazinga 14:29

Ebindi byonabyona Rehoboamu bye yakola, byaghandiikibwa mu Kitabo eky'Ebyomubyanda bya Bakyabazinga ba Buyudaaya.

1 Ebyomubyanda 29:30

Ebighandiiko ebyo byogera ku bufuzi bwe nga bwe bwali, n'amaani ge yali nago, n'ebintu byonabyona ebyamutuukaku n'ebyatuuka ku Isiraeli, ni ku bwakyabazinga bwonabwona obw'ensi edhiriiraine agho.

1 Ebyomubyanda 9:22

Abo boonaboona abaalondebwa okuba abakuumi b'emiryango, baali ebikumi bibiri na ikumi na babiri (212). Baabaghandiika mu nkalala edh'obuzaale bwaibwe, nga bajiira ku byalo byaibwe bye baabangamu. Kyabazinga Daudi n'omulanzi Samueli, n'abaataagho abantu abo okukolanga mu butongole.

2 Ebyomubyanda 12:15

Ebindi byonabyona Rehoboamu bye yakola, okuva lwe yatoolera okufuga okutuuka ku nkomerero, byaghandiikibwa mu Kitabo eky'Ebyomubyanda eby'omulanzi Shemaia n'omulanzi Iddo. Ekiseera ekyo kyonakyona, ghaabangagho entalo edhomwidhirano ghagati gha Rehoboamu ni Yeroboamu.

2 Ebyomubyanda 25:26

Ebindi byonabyona Amazia bye yakola okuva mu mainhama okutuuka ku nkomerero, byaghandiikibwa mu Kitabo ky'Ebyomubyanda bya Bakyabazinga ba Buyudaaya n'aba Isiraeli.

2 Ebyomubyanda 9:29

Ebindi byonabyona Solomoni bye yakola, okuva lwe yainhama okufuga okutuuka ku nkomerero ye, byaghandiikibwa mu Byafaayo bya Nathani Omulanzi, ni mu Byalangibwa Ahiya ow'e Shilo, ni mu Byali mu Kubonekerwa kwa Iddo Omulanzi nga bigema ku Yeroboamu mutabane wa Nebati.

1 Samueli 22:5

Agho Gadi omulanzi yaakoba Daudi ati: “Lekera okuba mu mpuku, ja obenga mu kiketezo ky'e Buyudaaya.” Kale Daudi yaavaayo, yaaja mu kibira eky'e Herethi.

1 Samueli 9:9

(Eira mu Isiraeli, omuntu bwe yajanga okwebuuza ye Katonda, ng'akoba ati: “Kola tuje y'omuboni.” Mu biseera ebyo omulanzi baamwetanga muboni.)