1 Ebyomubyanda 29:23 - Baibuli Ekibono kya Katonda 2014

²³ Kale Solomoni yaatyama ku kityamo eky'obwakyabazinga Musengwa Katonda kye yataagho, yaaba kyabazinga mu kifo kya lata we Daudi. Ebintu byajiiranga Solomoni oyo bukalamu, era eighanga Isiraeli lyamugonderanga.

1 Ebyomubyanda 29:23 ပူးပေါင်းရင်းမြစ်များ

1 Bakyabazinga 1:13

Situkiramu oje ye kyabazinga Daudi, omukobe oti, ‘Isebantu kyabazinga, tiwandayirira nze omugheereza wo omukazi, oti mutabane wange Solomoni n'alikusikira era nga n'alityama ku kityamo kyo eky'obwakyabazinga? Memale kabiri Adoniya afuuse atya kyabazinga?’ ”

1 Bakyabazinga 1:30

ng'oti ni bwe nakulayirira mu Musengwa Katonda, Katonda wa Isiraeli, nga nkoba nti, ‘Solomoni n'alinsikira ku bwakyabazinga era n'aliira mu kifo kyange, atyamenga ku kityamo kyange eky'obwakyabazinga. Era ntyo bwe ndidha okukola olwaleero.’ ”

1 Bakyabazinga 1:35

Eyo mwidha kuvaayo nga mumunonereza, aidhe atyame ku kityamo kyange eky'obwakyabazinga kuba n'aidha okuba kyabazinga mu kifo kyange. Era mmutairegho okuba omufuzi wa Isiraeli ni Buyudaaya.”

1 Bakyabazinga 1:46

Solomoni buti ni kyabazinga.

1 Bakyabazinga 2:12

Agho Solomoni yaasikira lata we Daudi ku bwakyabazinga, era obwakyabazinga bwe bwaba bugumu bwene.

2 Bakyabazinga 11:19

Agho Yehoiada oyo, n'abaduumizi b'abakuumi ekikumi ekikumi aba kyabazinga, n'abakulira abakuumi b'ekisaagaati kya kyabazinga, era n'abantu boonaboona, baatoola kyabazinga mu isinzizo baamutwala mu kisaagaati kya kyabazinga, nga babitira mu Mulyango ogw'Abakuumi. Kyabazinga yaaja yaatyama ku kityamo eky'obwakyabazinga.

1 Ebyomubyanda 22:11

Daudi yaayongera okukoba ati: “Kale ni mwana wange, nsaba Musengwa Katonda wo abenga n'iwe, akughe enkabi oghange okumuzimbira eisinzizo nga bwe yakusuubiza.

1 Ebyomubyanda 28:5

Musengwa Katonda oyo yampa abaana kamaala era mu batabane bange boonaboona, yaalondamu Solomoni okutyama ku kityamo eky'obwakyabazinga bwa Isiraeli, Musengwa Katonda mwene oyo bwe yataagho.

1 Ebyomubyanda 29:24

Abakungu boonaboona, n'abaisirukale, ni batabane ba kyabazinga Daudi abandi boonaboona, beeyama okugonderanga kyabazinga Solomoni.

2 Ebyomubyanda 1:1

Solomoni mutabane wa Daudi yaakakata mu bufuzi mu bwakyabazinga bwe, era Musengwa Katonda we yaabanga ghalala naye, yaamufuula omukologho einho.

2 Ebyomubyanda 1:8

Solomoni yaakoba ati: “Buliidho obairenga ng'oyoleka nga bw'ogonza einho obutalekera lata wange Daudi, era mpegaano ondhikiriiza okumusikira ku bwakyabazinga.

2 Ebyomubyanda 23:20

Agho Yehoiada oyo, n'abaduumizi b'eigye, n'abakungu, n'abakulembeze, era n'abantu boonaboona, baatoola kyabazinga mu isinzizo baamutwala mu kisaagaati kya kyabazinga, nga babitira mu mulyango ogw'eitale. Baamutyamya ku kityamo eky'obwakyabazinga.

2 Ebyomubyanda 9:30

Entangama Solomoni ye yamala ng'afuga Isiraeli yoonayoona mu Yerusalemu, yali ya myaka makumi ana (40).

2 Ebyomubyanda 9:8

Musengwa Katonda wo asaakibwe, eyayoleka nga bw'akusiimye, n'akufuula kyabazinga, ofugenga mu liina lye. Musengwa Katonda oyo agonza inho abantu be Abaisiraeli era ayenda okubakuuma babeegho lubeerera, kyeyava n'akufuula kyabazinga waibwe, olamulenga mu mazima ni mu butuufu.”

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Ensambo 1:1

Dhino n'Ensambo dha Solomoni, mutabane wa Daudi era kyabazinga wa Isiraeli.

Ab'e Roma 13:1

Kiisi muntu agonderanga abafuzi, kuba ghazira bufuzi butava wa Katonda era abafuzi abaligho baateebwagho Katonda.

Amateeka Agokubiri 34:9

Yoshua mutabane wa Nuni yali ng'aidhwire amagezi, kuba Musa yali ng'amaze okumutaagho aire mu kifo kye. Kale ni Abaisiraeli baawuliranga Yoshua oyo, era baakolanga nga Musengwa Katonda bwe yalagira Musa.