1 Ebyomubyanda 29:2 - Baibuli Ekibono kya Katonda 2014

² Kale kye nviire ni nfuba nga bwe nsoboire, ni ntaagho ebintu byonabyona eby'okuzimbisa eisinzizo lya Katonda wange, bino: zaabu ow'okukolamu ebintu ebya zaabu, ni feeza ow'okukolamu ebintu ebya feeza, n'ekyuma eky'ekikomo eky'okukolamu ebintu eby'ekyuma eky'ekikomo, n'ekyuma ekigumu einho eky'okukolamu ebintu eby'ekyuma ekigumu einho, n'emiti egy'okukolamu ebintu eby'emiti, n'amabaale ag'omughendo ageetebwa onikisi, n'agandi ag'okuzimbisa, n'ag'okudholigadholiga, n'agandi ag'omughendo agamirimiinha ag'ensambo kamaala.

1 Ebyomubyanda 29:2 ပူးပေါင်းရင်းမြစ်များ

Amainhama 2:12

Zaabu ow'omu nsi eyo mukenenule, era eyo eriyo n'obuwoowo bwa bedeliyamu n'amabaale ga onikisi.

1 Ebyomubyanda 29:19

Nkweghemba oghe mutabane wange Solomoni omwoyo ogw'okwegheerayo irala okugema amateeka go ni by'olagira byonabyona, n'okuzimba eisinzizo, lye nteereiregho ebintu ebyo.”

1 Ebyomubyanda 29:3

Era nhongereiza ku ebyo bye nteereiregho eisinzizo, naaghaayo zaabu ni feeza nga ntoola ku by'obukombe ebyange ku bwange, olw'okuba ngonza inho eisinzizo lya Katonda wange eryo.

2 Ebyomubyanda 3:6

Baatonatona eisinzizo n'amabaale ag'omughendo, era baalitonatona ni zaabu eyava mu nsi y'Abaparavi.

Yobu 28:1

“Bwenebwene eriyo ekirombe omusimibwa feeza, yaabaayo n'ekifo ye bakenenulira zaabu.

Yobu 28:16

Zaabu omulungi ow'e Ofiri tayagayaga nago mughendo, waire amabaale ag'omughendo ageetebwa onikisi ni saffiro.

Okuvaayo 28:17

Ku kivaalo ekyo oidha kutaanhaku obunhiriri buna obw'amabaale ag'omughendo. Akanhiriri akasooka kaidha kubaaku amabaale ageetebwa, saradiu, ni topazi, ni karabunkule.

Okuvaayo 28:20

Olwo akokuna kabeeku ageetebwa berulo, onikisi, ni yasipera. Amabaale ago gali n'okubaaku omugo gwa zaabu,

Okuvaayo 28:9

Oidha kufunayo ebibaadho bibiri eby'eibaale ery'omughendo eryetebwa onikisi, oghandiikeku amaina ag'abaana ba Yakobo ng'okozesa ekyuma ekisongovu.

Okuvaayo 39:13

Olwo akokuna kaabaaku ageetebwa berulo, ni onikisi, ni yasipera. Bwe baamala baagataaku omugo gwa zaabu.

Okuvaayo 39:6

Baafunayo amabaale amabaadhe abiri ag'ekika eky'eibaale ery'omughendo eryetebwa onikisi, baagataaku emigo gya zaabu, baagasalaku amaina ag'abaana ba Yakobo, ng'oti n'omubaadhi ow'amabaale ag'omughendo bw'agasalaku obumanhiso.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

2 Ab'e Korintho 8:3

Mbakakasa nti baagaba nga bwe basobola, ate n'okusinga baasinzaagho nga ghazira kukakibwa.

Ab'e Kolosai 3:23

Kiisi kye mukola mukikole n'omwoyo gwaimwe gwonagwona ng'abakolera Musengwa, ti ng'abakolera abantu,