1 Ebyomubyanda 29:17 - Baibuli Ekibono kya Katonda 2014

¹⁷ Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

1 Ebyomubyanda 29:17 ပူးပေါင်းရင်းမြစ်များ

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

1 Ebyomubyanda 29:16

Wo Musengwa Katonda waife, ebintu bino byonabyona bye tutairegho okuzimbisa eisinzizo erinaagheesanga eriina lyo eitukuvu ekitiisa, niiwe owabitugha era byonabyona bibyo.

1 Ebyomubyanda 29:18

Wo Musengwa Katonda wa badhaadha baife, Aburahamu, Isaaka, ni Isiraeli, kuumanga buliidho enkola ey'okwevaamu eri ng'oti n'eyo mu bantu bo, era okuumenga emyoyo gyaibwe nga gigumiire ku iwe.

1 Ebyomubyanda 29:9

Agho abantu baasagamba olw'abo abaaghaayo ku byaibwe eri Musengwa Katonda n'omwoyo omulala ekyeyendere. Kyabazinga Daudi yeena yaasagamba inho.

2 Ebyomubyanda 6:30

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 17:3

Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Zabbuli 51:8

Mpa okuwulira eisanhu n'okusagamba; oleke amagumba ge wamenhamenha gairemu okusangaala.

Zabbuli 7:9

Wo Katonda wange, oli mutuufu era weekebeedha emyoyo n'ebidhuubo eby'abantu. Lekeza ababi okukola obubi, oghe abo abakola obulungi okuba obukalamu.

Ensambo 11:20

Musengwa Katonda yeenhinhata abantu ab'ebirowoozo ebibi, aye yaagonza abo abaziraku musango.

Ensambo 16:2

Ole asobola okwebona nga by'akola bituufu, aye Musengwa Katonda yeekebeedha ebigendererwa eby'omuntu oyo.

Ensambo 17:3

Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Ensambo 21:2

Ole asobola okwebona nga by'akola bituufu, aye Musengwa Katonda n'abona ebigendererwa eby'omuntu oyo.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

Ebikolwa by'Abatume 24:16

Kyenva nfuba buliidho okuba n'omwoyo omunaabuufu ye Katonda ni y'abantu.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Ab'e Korintho 9:7

Kale buli muntu ateekwa okukola nga bw'asazeegho mu mwoyo gwe, era nga ti lwa nnaakola ntya, oba lwa kukakibwa kuba Katonda ayenda oyo agaba nga musangaavu.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

1 Ab'e Thessalonika 2:10

Imwe abaikiriza muli badhulirwa baife era ni Katonda atudhulira, nga twebisanga eri mwe ng'abatukuvu, abatuufu era abaziraku musango.

Filemoni 1:20

Kale ni owoluganda, nkolera eky'omugaso ku lwa Musengwa. Kola ekinaasangaaza omwoyo gwange mu Kurisito.

Filemoni 1:7

Muganda wange, okugonza kwo kundeeteire okusagamba einho era n'okwiramu amaani, kuba ku lulwo emyoyo gy'abatuukirivu, giize buyaaka.

Abaheburayi 4:12

Ekibono kya Katonda kiramu, kikola era kyogi okusinga empiima eri n'obwogi ku ndhuyi dhaayo dhombi. Kisalira irala kyatuuka n'okwawula omutima n'omwoyo, obuyungiro n'omusokono. Kisobola okubonera irala omuntu by'alowooza ni by'ayenda, ebiri mu mwoyo gwe.

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”