1 Ebyomubyanda 29:10 - Baibuli Ekibono kya Katonda 2014

¹⁰ Agho kyabazinga Daudi yaasaaka Musengwa Katonda ng'abantu boonaboona abeesoloiza bali agho. Yaakoba ati: “Wo Musengwa Katonda wa dhaadha waife Isiraeli, ogwaine osaakibwenga ebyanda n'ebyanda.

1 Ebyomubyanda 29:10 ပူးပေါင်းရင်းမြစ်များ

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 33:20

Yaazimbagho alutaari, yaagituuma eriina Eli Elohe Isiraeli.

1 Bakyabazinga 8:15

Yaabakoba ati: “Musaake Musengwa Katonda wa Isiraeli, atuukiriiza kye yasuubiza lata wange Daudi, bwe yakoba ati,

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

1 Ebyomubyanda 29:9

Agho abantu baasagamba olw'abo abaaghaayo ku byaibwe eri Musengwa Katonda n'omwoyo omulala ekyeyendere. Kyabazinga Daudi yeena yaasagamba inho.

2 Ebyomubyanda 31:8

Agho Hezekia n'abakungu be bwe baidha ni babona emungo edho, beebaza Musengwa Katonda, era beebaza n'abantu be Abaisiraeli.

2 Ebyomubyanda 6:4

Yaabakoba ati: “Tumusaake Musengwa Katonda, oyo Katonda wa Isiraeli, atuukiriiza kye yasuubiza lata wange Daudi, bwe yakoba ati,

Ezera 7:27

Agho Ezera yaakoba ati: “Tusaake Musengwa Katonda, Katonda wa badhaadha baife, eyata ekidhuubo ekyo mu mwoyo gwa kyabazinga okulungiya eisinzizo lya Musengwa Katonda oyo, eriri mu Yerusalemu.

Nehemia 8:6

Ezera oyo yaasaaka Musengwa Katonda, Katonda omukologho. Abantu boonaboona bairamu bati: “Amiina, Amiina,” nga basituliire emikono gyaibwe ghaigulu. Era baakuba amakiryaivu, baakutama n'ebyeni byatuuka ku itaka, baasinza Musengwa Katonda.

Zabbuli 138:1

Wo Musengwa Katonda, nsiimye inho n'omwoyo gwange gwonagwona; nze ndidha kukwemberanga enhembo edhikusaaka, nga ni bakatonda ab'amaghanga agandi babona.

Zabbuli 146:2

Nze ndidha kusaakanga Musengwa Katonda obulamu bwange bwonabwona, era nhembenga enhembo edhisaaka Katonda wange nga nkaali mulamu.

Zabbuli 22:26

Abaavu balirya baiguta; abo abanoonia Musengwa Katonda balimusaaka! Mbendeza mubenga bwera ebyanda n'ebyanda!

Zabbuli 57:6

Abazigu bange bantega olutuula, naazirika mu mwoyo gwange. Baasima ebiina mu ngira ye mbitamu, aye baabigwamu beene!

Zabbuli 89:52

Musengwa Katonda asaakibwenga ebyanda n'ebyanda! Amiina era Amiina!

Isaia 63:16

Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Ezekieli 3:12

Agho omwoyo gwa Katonda gwambeeda, ekitiisa kya Musengwa Katonda kyasituka nga kiva mu kifo kyakyo, era naawulira emugongo wange omuvuuma oguli ng'oti kugugumuka kwa musisi ow'amaani einho.

Danieli 2:20

ng'akoba ati: “Katonda asaakibwenga ebyanda n'ebyanda, oyo ni mwene magezi era ow'amaani.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Luka 11:3

Emere yaife eyabuliidho gitughenga buli lunaku.

Ab'e Roma 1:7

Kale ni mbaghandiikira imwe mwenamwena ab'e Roma, Katonda b'agonza era be yayeta okuba abantu be. Katonda Iseife ni Musengwa waife Yesu Kurisito abaghe enkabi n'emiraala.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Amateeka Agokubiri 32:3

Ndidha kukobera abantu nga Musengwa Katonda bw'ali omukologho, ndhatule nga Katonda waife bw'ali omubbede.

Ab'e Filippi 4:20

Ekitiisa kibenga kya Katonda waife era Lata waife ebyanda n'ebyanda. Amiina.

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

1 Petero 1:3

Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!

Okwolekebwa 5:12

Baayogera n'amamiro ag'amaani bati: “Entaama Ento eyaitibwa egwaine okuba n'obukumu, n'obukombe, n'amagezi, n'amaani. Era egwaine okusaakibwa, okugheebwa ekitiisa, n'okusinzibwa!”