1 Ebyomubyanda 28:21 - Baibuli Ekibono kya Katonda 2014

²¹ Bakabona n'Abalevi baabo bamaze okugheebwa emirimo gyonagyona gye banaakolanga mu ngobo mu isinzizo. Abakozi abali n'obumanhirivu obw'okukola kiisi mulimo baligho era beetegefu okukola. N'abakulembeze boona, ghalala n'abantu boonaboona baidha kugonderanga by'onaabalagiranga.”

1 Ebyomubyanda 28:21 ပူးပေါင်းရင်းမြစ်များ

1 Ebyomubyanda 25:25

Akeikumi n'omunaana kaagwa ku Hanani, ni batabane be, era ni baganda be, boonaboona aghalala baaba abantu ikumi na babiri.

1 Ebyomubyanda 26:26

Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

1 Ebyomubyanda 28:13

Era yaamugha entegeka yoonayoona ey'engobo dha bakabona n'Abalevi, n'entegeka ey'omulimo gwonagwona ogw'okugheereza mu isinzizo lya Musengwa Katonda, n'ey'ebintu byonabyona eby'okukozesanga mu isinzizo eryo.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Okuvaayo 31:3

Naamugha ku maani gange, naamugha obusobozi, n'amagezi, n'obumanhi, era naamugha okutetenkania n'okuyiiya.

Okuvaayo 35:25

Abakazi boonaboona abaali baidhi okulanga ewuuzi n'engalo baalanga ewuuzi edha bbululu, n'edha nakasooma, n'edha kasaayisaayi, n'edh'engoye empegheevu, baadhireeta.

Okuvaayo 36:1

“Bezalelo, ni Oholiabu, na kiisi muntu yeenayeena aghanga okukola, Musengwa Katonda b'aghaire obusobozi n'okutegeera ebyetaagisa mu kukola Weema entukuvu, baidha kukola ebyo byonabyona nga Musengwa Katonda bweyalagira.”

Okuvaayo 36:2

Agho Musa yaayeta Bezalelo, ni Oholiabu, na kiisi muntu yeenayeena aghanga okukola, Musengwa Katonda ye yagha obusobozi, era eyawulira mu mwoyo gwe ng'alumirwa Weema ey'Okwagaananirangamu ni Musengwa Katonda.

Ab'e Roma 13:1

Kiisi muntu agonderanga abafuzi, kuba ghazira bufuzi butava wa Katonda era abafuzi abaligho baateebwagho Katonda.

Tito 3:1

Idhukizanga Abakurisito bo okuwuliranga abafuzi n'ab'obuyinza, n'okubagonderanga, era babenga beetegefu okukola kiisi mulimo mukalamu.