1 Ebyomubyanda 28:20 - Baibuli Ekibono kya Katonda 2014

²⁰ Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

1 Ebyomubyanda 28:20 ပူးပေါင်းရင်းမြစ်များ

1 Bakyabazinga 6:38

Mu mwezi ogwomunaana ogwetebwa Buli, mu mwaka ogweikumi n'omulala ogw'obufuzi bwa Solomoni, eisinzizo eryo lyonalyona lyawa okuzimbibwa, ng'entegeka yaalyo bweyali. Solomoni lyamutwalira emyaka musanvu okulizimba.

1 Ebyomubyanda 22:13

Bw'onaagonderanga Amateeka n'ebiragiro Musengwa Katonda bye yagha Isiraeli ng'abita mu Musa, ebintu byonabyona biidha kukujiiranga bukalamu. Guma omwoyo, otatya, era otawaamu maani.

1 Ebyomubyanda 28:10

Kale ni ogwaine okimanhe nga Musengwa Katonda akulonze okuzimba endhu ey'okusinzizaamu. Kale omulimo ogwo gukole n'obumalirivu.”

2 Ebyomubyanda 19:11

Era bona eno, Amaria Kabona Omukulu n'aidha okubalabiriranga mu byonabyona ebigemagana ni Musengwa Katonda. Ate Zebadia mutabane wa Ishimaeli akulira endhu ya Yuda, n'aidha okubalabiriranga mu ebyo ebigemagana ni kyabazinga. Olwo Abalevi bavunaanizibwenga okubona ng'ebinaabanga bisaliibwagho bituukirizibwa. Mubenga bagumu nga mukola omulimo ogwo, era Musengwa Katonda abenga ghalala n'abo abeesimbu.”

Ezera 10:4

Situkiramu, kuba ogwo mulimo gwo era ife tuli ghalala n'iwe. Iwe guma okikole.”

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:13

Nze Musengwa Katonda wo ninze nkugha amaani, era ninze ndi kukukoba nti, ‘Otatya, ndidha kuyamba.’

Haggai 1:13

Haggai oyo yaakobera abantu obukwenda bwa Musengwa Katonda ati: “Musengwa Katonda akoba ati, ‘Ndidha kubanga ghalala n'imwe.’ ”

Haggai 2:4

Aye iwe Zerubbabeli, n'iwe Yoshua mutabane wa Yehozadaki era omukulu wa bakabona, n'imwe abantu mwenamwena abali mu nsi eno, mutawaamu maani naire. Mukole bukole mulimo, kuba ndi ghalala n'imwe, nze Musengwa Katonda Afuga Amagye.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

1 Ab'e Korintho 16:13

Mumogenga butatemya, munhwere mu kwikiriza, mube bagumu era ba maani.

Amateeka Agokubiri 31:6

Mube bagumu era bamalirivu. Mutatya bantu abo era batabamalamu maani. Musengwa Katonda waimwe mwene, n'aidhanga okuja n'imwe. Talibavaaku, waire okubalekulira agho.”

Amateeka Agokubiri 4:31

kuba Musengwa Katonda waimwe wa kivunika. Talibalekulira agho waire okubazikiriza, era talyerabira ndagaano ye yakola ni badhaadha baimwe.”

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”