1 Ebyomubyanda 28:17 - Baibuli Ekibono kya Katonda 2014

¹⁷ Yaamugha n'obuzito bwa zaabu omukenenule ow'okukolamu ebyuma eby'amaino ng'oti wuuma, n'ow'okukolamu ebibya n'ebikopo n'obuzito bwa zaabu n'obwa feeza ow'okukolamu entamu

1 Ebyomubyanda 28:17 ပူးပေါင်းရင်းမြစ်များ

1 Bakyabazinga 10:21

Ebintu byonabyona ebya kyabazinga Solomoni bye yakozesanga ku by'okunhwa, byali bya zaabu. Era ebintu byonabyona ebyakozesebwanga ku by'okulya mu ndhu eyayetebwanga Ekibira kya Lebanoni, byali bya zaabu mukenenule. Tighaaligho kintu kyonakyona kya feeza, kuba mu biseera bya Solomoni, feeza tiyatwalibwanga ng'ekintu eky'omughendo.

1 Ebyomubyanda 28:16

n'obuzito bwa zaabu ow'okukolamu buli meeza ey'okutangaku emigaati egigheereibwayo eri Katonda, n'obwa feeza ow'okukolamu meeza edha feeza.

1 Ebyomubyanda 28:18

n'obuzito bwa zaabu omukenenule ow'okukolamu alutaari ey'okuniokezangaku obubbaani, n'ow'okukolamu ekigaali eky'okutaaku ebitonde ebiri n'amaghagha ebyetebwa bikerubi, ebyandhuluza amaghagha gaabyo okughemba Esanduuku y'Endagaano ya Musengwa Katonda.

Okuvaayo 27:3

Ogikolereku obulobo obw'okusuulangamu eivu ery'amasavu. Ogikolereku n'ebitiiyo, n'ebibya eby'okutaamu omusaayi ogw'okumansira, n'ebyuma eby'amaino ng'oti wuuma, n'ebintu eby'okutwalirangaku amanda agaliku omuliro. Ebintu ebikozesebwa ku alutaari byonabyona, oidha kubikola mu kyuma eky'e kikomo.