1 Ebyomubyanda 28:14 - Baibuli Ekibono kya Katonda 2014

¹⁴ Yaamugha n'obuzito bwa zaabu ni feeza ow'okukolamu ebintu byonabyona ebya zaabu ni feeza eby'okukozesanga ku buli mulimo

1 Ebyomubyanda 28:14 ပူးပေါင်းရင်းမြစ်များ

1 Ebyomubyanda 28:13

Era yaamugha entegeka yoonayoona ey'engobo dha bakabona n'Abalevi, n'entegeka ey'omulimo gwonagwona ogw'okugheereza mu isinzizo lya Musengwa Katonda, n'ey'ebintu byonabyona eby'okukozesanga mu isinzizo eryo.

1 Ebyomubyanda 28:15

n'obuzito bwa zaabu ow'okukolamu buli kikondo kya ntaala ghalala n'entaala dhaaku, nga bajiira ku mirimo ebintu ebyo gye bikola

1 Ebyomubyanda 29:2

Kale kye nviire ni nfuba nga bwe nsoboire, ni ntaagho ebintu byonabyona eby'okuzimbisa eisinzizo lya Katonda wange, bino: zaabu ow'okukolamu ebintu ebya zaabu, ni feeza ow'okukolamu ebintu ebya feeza, n'ekyuma eky'ekikomo eky'okukolamu ebintu eby'ekyuma eky'ekikomo, n'ekyuma ekigumu einho eky'okukolamu ebintu eby'ekyuma ekigumu einho, n'emiti egy'okukolamu ebintu eby'emiti, n'amabaale ag'omughendo ageetebwa onikisi, n'agandi ag'okuzimbisa, n'ag'okudholigadholiga, n'agandi ag'omughendo agamirimiinha ag'ensambo kamaala.

2 Ebyomubyanda 4:7

Yaakola ebikondo by'entaala ikumi mu zaabu, mu nsambo ye byali nga biri n'okukolebwa, yaabita mu isinzizo: ebitaanu ku luuyi olw'omukono omusaadha olw'e buvandhuba w'eisinzizo eryo, n'ebitaanu ebindi ku luuyi olw'omukono omugooda olw'e buvandhuba waalyo.

Ezera 8:33

Ku lunaku olwokuna twaja mu isinzizo lya Katonda waife, twapima feeza, ni zaabu, n'ebintu ebikozesebwa. Byonabyona twabigemya kabona Meremothi mutabane wa Uria, ng'ali ni Eleazari mutabane wa Finehasi, n'Abalevi babiri Yozabadi mutabane wa Yeshua, ni Noadia mutabane wa Binnui.