1 Ebyomubyanda 28:12 - Baibuli Ekibono kya Katonda 2014

¹² Yaamugha n'entegeka ey'enzimba y'ebyo byonabyona bye yayenda okuzimbira ku isinzizo eryo: empya dhaaku, n'ebimante ebyezungulwire empya edho, n'amaterekero g'ebintu eby'okukozesanga mu isinzizo, n'ago ag'okutangamu ebintu ebigheereibwayo okuba ebya Musengwa Katonda.

1 Ebyomubyanda 28:12 ပူးပေါင်းရင်းမြစ်များ

1 Bakyabazinga 14:26

Yaanhaga eby'obukombe eby'omu isinzizo n'eby'omu kisaagaati kya kyabazinga, byonabyona yaabitwala. Yaatwala n'engabo dhoonadhoona edha zaabu, Solomoni dhe yagheesa.

1 Bakyabazinga 15:15

Yaata mu isinzizo ebintu lata we bye yeeyama okughaayo bibe ebya Musengwa Katonda, era ni mwene bye yeeyama okughaayo, ebya zaabu ni feeza.

1 Bakyabazinga 15:18

Agho Asa yaatoolayo feeza yeenayeena ni zaabu eyali asigaire mu iterekero ly'eisinzizo ni mu iterekero erirye nga kyabazinga, yaamugemya abagheereza be bamutwalire kyabazinga Benihadadi ow'e Siria, eyabanga mu Damasiko. Benihadadi oyo, nga ni mutabane wa Taburimmoni era mwidhukulu wa Hezironi. Kyabazinga Asa yaagheereza kyabazinga Benihadadi obukwenda obukoba buti:

1 Bakyabazinga 7:51

Mu nsambo eyo omulimo gwonagwona kyabazinga Solomoni gwe yakola ku isinzizo gwawa. Era Solomoni oyo yaingiza mu isinzizo eryo ebintu byonabyona lata we Daudi bye yaghaayo okubanga ebya Musengwa Katonda: feeza, ni zaabu, n'ebikozesebwa byonabyona, yaabitereka mu iterekero ery'eisinzizo lya Musengwa Katonda.

2 Bakyabazinga 16:8

Agho Ahazi yaatoolayo feeza ni zaabu ebyali mu isinzizo ni mu iterekero ly'ekisaagaati kya kyabazinga, yaabigheereza kyabazinga w'e Assiria ng'ekirabo.

2 Bakyabazinga 18:15

Hezekia yaamugha feeza yeenayeena eyali mu isinzizo, ni mu iterekero ly'ekisaagaati kya kyabazinga.

1 Ebyomubyanda 26:20

Abalevi abandi, nga n'omuli ni Ahiya, n'abaakuliranga eiterekero ly'eisinzizo n'amaterekero g'ebintu ebigheereibwayo okuba ebya Musengwa Katonda.

1 Ebyomubyanda 28:11

Agho Daudi yaagha mutabane we Solomoni entegeka ey'enzimba y'eisinzizo nga bw'eja okuba: ekisasi kyaku, n'endhu dhaaku, n'amaterekero gaaku, n'ebisenge byaku ebya ghaigulu, n'ebisenge byaku eby'omunda, n'Ekifo Ekitukuvu Einho ekisoniyirwamu ebibi.

1 Ebyomubyanda 28:19

Kyabazinga Daudi yaakoba ati: “Ebyo byonabyona biri mu ntegeka eyaghandiikibwa ng'ejiira ku biragiro ebyo, Musengwa Katonda mwene bye yandagira okutuukiriza.”

Okuvaayo 25:40

Era bona nti obikola mu nsambo ye ndi kukwoleka ghano ku lusozi.”

Okuvaayo 31:2

“Bona eno, nonze Bezalelo mutabane wa Uri era mwidhukulu wa Hura, era nga wa mu kika ekya Yuda.

Yeremia 35:2

“Yeremia, ja y'ab'ekika kya Rekabu oyogere nabo. Memale obatwale mu kisenge ekindi ku ebyo ebiri ku isinzizo, obaghe ku mwenge ogw'emizabbibu banhwe.”

Ezekieli 40:2

Era nga ndi mu kubonekerwa, Katonda yambeeda yantwala mu nsi Isiraeli, yandhisa ku lusozi oluleeyi, olwaliku ekyaboneka ng'oti kibuga, nga kiri agho emberi wange.

Ezekieli 40:38

Mu luya olw'okuliya ghaaligho ekisenge kye baakookera ku kisasi ky'ongiriramu mu luya, nga kiriku olwigi olwigulira mu kisasi ekyo ekyali ku mulyango ogw'oku luuyi olw'omukono omugooda olw'e buvandhuba. Mu kisenge ekyo mwe baanaalizanga ebigheebwayo ebyokebwa byonabyona okuwaagho.

Abaheburayi 8:5

Omulimo gwe bakola nga bakabona gwefaanaanirizaaku bwefaanaanirize, era kinsense bunsense eky'ebyo ebikolebwa mu igulu; kuba ni Musa bwe yali ng'aja okutaagho eweema, Katonda yamulagira ati: “Bona nti byonabyona obikola ng'ojiira ku ekyo ekyakulagibwa ku lusozi.”