1 Ebyomubyanda 27:33 - Baibuli Ekibono kya Katonda 2014

³³ Ahithofeli yali muwi wa magezi wa kyabazinga, ate Hushai Omuaraki yaaba mukagwa wa kyabazinga.

1 Ebyomubyanda 27:33 ပူးပေါင်းရင်းမြစ်များ

2 Samueli 15:12

Era Abusalomu bweyali ali kughaayo emisengo, yaayetesa Ahithofeli Omugiloni eyabanga mu kibuga Gilo, nga yali muwi wa magezi owa Daudi. Agho abantu abaali ku luuyi lwa Abusalomu baaja nga beeyongera obungi, n'olukwe lweyongeramu amaani.

2 Samueli 15:32

Daudi bwe yatuuka ku ngulu ku lusozi kwe baasinzizanga Katonda, yaja okulinga ati ng'abona Hushai Omuaraki ng'ali kwidha y'ali. Yali akanwiremu ekivaalo kye era ng'omutwe gwe agusiize eitaka.

2 Samueli 15:37

Kale Hushai mukagwa wa Daudi, yairayo mu kibuga Yerusalemu era yaatuukayo nga ni Abusalomu ali kwingira ati.

2 Samueli 16:23

Mu biseera ebyo amagezi goonagoona Ahithofeli ge yaghanga ng'abantu bagatwala ng'oti n'ole ge yeebuuziiza ku Katonda. Daudi ni Abusalomu boona batyo bwe baagatwalanga okuba.

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

1 Bakyabazinga 4:5

Azaria mutabane wa Nathani n'eyali akulira abakungu. Zabudi mutabane wa Nathani, yali kabona era nga mukagwa wa kyabazinga.

1 Ebyomubyanda 27:32

Yonathani, muganda wa lata wa Daudi, yali muwi wa magezi, nga musaadha mutegeevu era nga mumanhi inho mu by'amateeka. Yonathani oyo ni Yehieli mutabane wa Hakimoni, n'abaalabiriranga batabane ba kyabazinga.

Zabbuli 55:13

Aye mbo iwe bwetufaanana, bwetubita, era mukagwa wange mwene, niiwe okola ekyo?

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.