1 Ebyomubyanda 25:6 - Baibuli Ekibono kya Katonda 2014

⁶ era n'eyakulemberanga batabane abo mu nhembo edh'omu isinzizo lya Musengwa Katonda, nga bakubiraku ebide, endingidi n'entongooli. Asafu, Yeduthuni, ni Hemani, baakolanga nga kyabazinga bwe yabalagiranga.

1 Ebyomubyanda 25:6 ပူးပေါင်းရင်းမြစ်များ

2 Samueli 6:5

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Musengwa Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide.

1 Bakyabazinga 10:12

Kyabazinga Solomoni yaakozesa embaawo edho okukolera obukomera ku madaala ag'omu isinzizo, n'ag'omu kisaagaati kye. Yaadhikolamu n'endingidi, n'entongooli edh'abembi. N'okuva ku olwo, mu Isiraeli timwairamu kuleetebwamu waire okubonekamu embaawo edh'emiti emyalumugi edhiri ng'oti n'edho, okutuusa ni ye buli eno.

1 Ebyomubyanda 15:16

Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 15:19

Baataagho abembi bano: Hemani, Asafu, ni Ethani, okukuba ebide eby'ekyuma eky'ekikomo.

1 Ebyomubyanda 15:22

Kenania omukulu w'Abalevi, nga bweyali omukugu mu by'okwemba, n'eyali ow'okukulira abembi.

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

2 Ebyomubyanda 20:28

Bwe baatuuka e Yerusalemu, baaja mu isinzizo nga bali kukuba entongooli n'endingidi, eno nga bwe bafuuwa n'amagwala.

2 Ebyomubyanda 23:13

Okuja okulinga ati, ng'abona kyabazinga ayemereire okumpi n'omulyango gha mpango agheemerera kyabazinga, ng'abaduumizi b'eigye n'abafuuyi ab'amagwala bamuli agho kumpi. Era ng'abantu boonaboona bali kusagamba nga bwe bafuuwa amagwala. N'abembi boona nga bali kukuba ebivuga byaibwe, nga bakulemberamu enhembo. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Ebyomubyanda 29:13

Ku b'oku nda ya Elizafani mwalimu, Shimuri ni Yeueli. Ku b'oku nda ya Asafu mwalimu, Zekaria ni Mattania.

2 Ebyomubyanda 29:25

Yaata Abalevi mu isinzizo nga bagemye n'ebide, n'entongooli, n'endingidi, ng'ajiira ku kiragiro Musengwa Katonda kye yagha kyabazinga Daudi, ng'abita mu Gadi omulanzi wa kyabazinga ni Nathani omulanzi.

Nehemia 11:17

Waataaku ni Mattania mutabane wa Mika, Mika yaaba mutabane wa Zabadi, ate Zabadi yaaba mutabane wa Asafu, eyakulemberanga okusaba okw'okwebaza mu isinzizo. Waataaku ni Bakabukia, eyaiririranga Mattania, ni Abada mutabane wa Shammua, Shammua mutabane wa Galali, ate Galali yaaba mutabane wa Yeduthuni.

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 12:46

Okuviira irala mu biseera bya Daudi ni Asafu, ghaabangagho akulira abembi era ghaabangagho n'enhembo edh'okusaaka n'edh'okwebaza Katonda.

Zabbuli 68:25

Abembi n'abakulemberamu, abaghala abakuba obugoma n'ensaasi bairirira, memale ab'entongooli n'endingidi baakoobera.

Ab'Efeso 5:19

Mu kughaya mukozesenga Zabbuli, n'enhembo, edhisaaka Katonda, nga mwembera Musengwa n'omwoyo mulala.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.