1 Ebyomubyanda 25:1 - Baibuli Ekibono kya Katonda 2014

¹ Daudi ng'ali ghalala n'abaakuliranga eby'okusinza, baalonda ab'oku nda edh'Abalevi dhino okulangiriranga obukwenda bwa Musengwa Katonda nga bemba enhembo bwe bakubiraku endingidi, entongooli, n'ebide: ab'oku nda ya Asafu, n'ab'oku ya Hemani, n'ab'oku ya Yeduthuni. Luno n'olukalala olw'abo be baalonda okukola omulimo ogwo nga bajiira ku mirimo gye baali baja okukolanga:

1 Ebyomubyanda 25:1 ပူးပေါင်းရင်းမြစ်များ

1 Bakyabazinga 10:12

Kyabazinga Solomoni yaakozesa embaawo edho okukolera obukomera ku madaala ag'omu isinzizo, n'ag'omu kisaagaati kye. Yaadhikolamu n'endingidi, n'entongooli edh'abembi. N'okuva ku olwo, mu Isiraeli timwairamu kuleetebwamu waire okubonekamu embaawo edh'emiti emyalumugi edhiri ng'oti n'edho, okutuusa ni ye buli eno.

2 Bakyabazinga 3:15

Aye mpegaano ndeetera omukubi w'entongooli.” Omukubi w'entongooli bwe yakuba, amaani ga Musengwa Katonda gaidha ku Elisha,

1 Ebyomubyanda 12:28

Abaidha ni Zadoki omwisuka omulwani ow'amaani aziramu ntete, nga bava mu b'endhu ya lata we, baali abakungu amakumi abiri na babiri (22).

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

1 Ebyomubyanda 15:28

Kale batyo Abaisiraeli boonaboona baaleeta Esanduuku y'Endagaano ya Musengwa Katonda nga bali kukuba emizira, eno nga bwe bafuuwa endeka n'amagwala, era nga bwe bakuba n'ebide, n'entongooli, n'endingidi, nga biri kuvuga inho.

1 Ebyomubyanda 23:2

Agho kyabazinga Daudi yaayeta abakulembeze boonaboona mu Isiraeli, ni bakabona, n'abalevi, beesoloza.

1 Ebyomubyanda 25:2

Mu bantu abaasimuka mu Asafu, baalondamu bano: Zakkuri, Yosefu, Nethania, ni Asharela. Asafu n'eyakulemberanga batabane be abo, baalangiriranga obukwenda bwa Musengwa Katonda, nga kyabazinga bwe yabalagiranga.

1 Ebyomubyanda 25:3

Mu bantu abaasimuka mu Yeduthuni, baalondamu batabane ba Yeduthuni oyo omukaaga bano: Gedalia, Zeri, Yeshaia, Shimei, Hashabia, ni Mattithia. Iseibwe oyo Yeduthuni n'eyakulemberanga, baalangiriranga obukwenda bwa Musengwa Katonda, nga bemba enhembo edh'okumwebaza n'okumusaaka nga bwe bakubiraku endingidi.

1 Ebyomubyanda 25:9

Mu b'oku nda ya Asafu akalulu akaasooka kaagwa ku Yosefu. Akokubiri kaagwa ku Gedalia, ni baganda be, era ni batabane be, boonaboona aghalala baaba abantu ikumi na babiri.

1 Ebyomubyanda 6:16

Levi yazaala Gereshomu, ni Kohathi, ni Merari:

1 Ebyomubyanda 6:33

Abantu abo abaateebwagho, ni bano n'abaana baibwe: Ku nda ya Kohathi kwaliku Hemani omukulu w'abembi, nga mutabane wa Yoeli, Yoeli mutabane wa Samueli, Samueli

1 Ebyomubyanda 6:39

Eyabanga ku luuyi olw'omukono omusaadha ogwa Hemani era nga muganda we, nga ni Asafu mutabane wa Berekia, Berekia mutabane wa Shimea, Shimea

1 Ebyomubyanda 6:44

Ate eyabanga ku luuyi olw'omukono omugooda ogwa Hemani ni Ethani, nga wa ku nda ya Merari mutabane wa Kishi, Kishi mutabane wa Abudi, Abudi mutabane wa Malluki, Malluki

1 Ebyomubyanda 9:33

Abandi ku Balevi baali bembi, era nga n'abakulira enda dha baiseibwe. Baasulanga mu bisenge by'oku isinzizo, era tibaabaghanga mulimo gundi gwonagwona, kuba ogwaibwe ogw'okwemba baagukolanga omusana n'obwire.

2 Ebyomubyanda 23:1

Aye mu mwaka ogwomusanvu, Yehoiada kabona yaaguma, yeekobaana n'abaduumizi b'abaisirukale, bano: Azaria mutabane wa Yerohamu, ni Ishimaeli mutabane wa Yehohanani, ni Azaria owundi mutabane wa Obedi, ni Maaseia mutabane wa Adaia, ni Elishafati mutabane wa Zikuri.

2 Ebyomubyanda 23:13

Okuja okulinga ati, ng'abona kyabazinga ayemereire okumpi n'omulyango gha mpango agheemerera kyabazinga, ng'abaduumizi b'eigye n'abafuuyi ab'amagwala bamuli agho kumpi. Era ng'abantu boonaboona bali kusagamba nga bwe bafuuwa amagwala. N'abembi boona nga bali kukuba ebivuga byaibwe, nga bakulemberamu enhembo. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Ebyomubyanda 23:18

Yehoiada yaagemya bakabona n'Abalevi omulimo ogw'okukolanga mu isinzizo lya Musengwa Katonda abo nga Daudi be yataagho mu isinzizo eryo, okughangayo eri Musengwa Katonda ebigheebwayo ebyokebwa, nga bwe kyaghandiikibwa mu Mateeka ga Musa. Era ekyo bakikolenga nga basagamba era nga bemba, nga Daudi oyo bwe yalagira.

2 Ebyomubyanda 23:9

Agho Yehoiada kabona yaagha abaduumizi amafumo n'engabo enene n'entono ebya kyabazinga Daudi, ebyali mu isinzizo.

2 Ebyomubyanda 29:13

Ku b'oku nda ya Elizafani mwalimu, Shimuri ni Yeueli. Ku b'oku nda ya Asafu mwalimu, Zekaria ni Mattania.

2 Ebyomubyanda 29:14

Ku b'oku nda ya Hemani mwalimu, Yehueli ni Shimei. Ku b'oku nda ya Yeduthuni mwalimu, Shemaia ni Uzzieli.

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

2 Ebyomubyanda 34:12

Abasaadha abo baakola omulimo n'obwesigwa, nga balabirirwa Abalevi bano: Yahathi ni Obadia ab'oku nda ya Merari, ni Zekaria ni Meshullamu ab'oku nda ya Kohathi. Abalevi boonaboona baali bakugu mu bivuga.

2 Ebyomubyanda 35:15

Abembi ab'oku nda ya Asafu bano: Asafu, ni Hemani, ni Yeduthuni omulanzi wa kyabazinga, baali mu bifo byaibwe nga kyabazinga Daudi bwe yalagira. N'abaigazi b'emiryango gy'eisinzizo tibaava ku miryango, kuba Balevi banaibwe abandi baabategekera.

2 Ebyomubyanda 5:12

Ate Abalevi abembi boonaboona: Asafu, ni Hemani, ni Yeduthuni, ghalala ni batabane baibwe n'aboluganda lwaibwe, baayemerera ku luuyi lw'alutaari olw'e buvandhuba nga bali mu bivaalo ebyakolebwa mu lugoye olughegheevu era nga bagemye ebide, n'entongooli, n'endingidi. Baali nga beemereire ghalala ni bakabona kikumi n'abiri (120) abafuuyi b'amagwala.

2 Ebyomubyanda 8:14

Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

Ezera 2:41

Abembi b'omu isinzizo baali ba ku nda ya Asafu, era baali kikumi n'abiri na munaana (128).

Ezera 6:18

Agho baataagho bakabona mu bikunsu byaibwe, n'Abalevi mu ngobo dhaibwe, baagheerezanga Katonda mu isinzizo e Yerusalemu, nga bwe kyaghandiikibwa mu kitabo kya Musa.

Nehemia 11:17

Waataaku ni Mattania mutabane wa Mika, Mika yaaba mutabane wa Zabadi, ate Zabadi yaaba mutabane wa Asafu, eyakulemberanga okusaba okw'okwebaza mu isinzizo. Waataaku ni Bakabukia, eyaiririranga Mattania, ni Abada mutabane wa Shammua, Shammua mutabane wa Galali, ate Galali yaaba mutabane wa Yeduthuni.

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 12:27

Ekiseera bwe kyatuuka okutukuza ekimante ekyezungulwire ekibuga Yerusalemu, baasoloza Abalevi boonaboona ye baali baba, baidhe beeyimbe mu mukolo ogwo ogw'okusagamba n'okwebaza, nga bemba enhembo era nga bakubiraku ebide, n'entongooli, n'endingidi.

Zabbuli 81:2

Mutoolere olwembo, ow'obugoma ateeku, memale ow'endingidi ewooma n'ow'entongooli beeyimbe okwo.

Zabbuli 81:3

Mufuuwe eigwala ku Kibinuko eky'Okuboneka kw'Omwezi, ni ku lunaku lwe gutyaime ku ntebe.

Ezekieli 40:44

Agho yaanhingiza mu luya olw'omunda, naabona nga ghaligho ebisenge bibiri. Ekisenge ekindi kyali ku mbali kw'omulyango ogw'oku luuyi olw'omukono omugooda olw'e buvandhuba, nga kiringiriire ku luuyi olw'omukono omusaadha olw'e buvandhuba. Ate ekindi kyaba ku mbali kw'omulyango ogw'oku luuyi olw'omukono omusaadha olw'e buvandhuba, nga kiringiriire ku luuyi olw'omukono omugooda olw'e buvandhuba.

1 Samueli 10:5

Olwo oidha kuja ku lusozi lwa Katonda Abafilisiti ghe baata enkambi dhaibwe edh'abalwani. Bw'onaaba oli kutuuka ku kibuga, oidha kwagaana ekikunsu ky'abalanzi nga bali kwikirira okuva mu kifo ekigulumivu eky'okusinzizaamu, nga bali kulanga era nga bakulembeirwamu ab'entongooli, ab'obugoma, ab'endere, n'ab'endingidi.