1 Ebyomubyanda 23:13 - Baibuli Ekibono kya Katonda 2014

¹³ Amuramu yaazaala Aaroni ni Musa. Aaroni yaayawulibwa n'ab'oku nda ye okulabiriranga ebintu ebitukuvu ebyanda n'ebyanda, okuniokezanga obubbaani mu maiso ga Musengwa Katonda n'okumugheerezanga, n'okusabiranga abantu enkabi mu liina lye.

1 Ebyomubyanda 23:13 ပူးပေါင်းရင်းမြစ်များ

1 Ebyomubyanda 23:12

Kohathi yaazaala Amuramu, Izahara, Heburoni, ni Uzzieli.

1 Ebyomubyanda 6:3

Amuramu yaazaala Aaroni, ni Musa, ni Miriamu. Aaroni yaazaala Nadabu, ni Abihu, ni Eleazari, ni Ithamari.

1 Ebyomubyanda 6:34

mutabane wa Elukana, Elukana mutabane wa Yerohamu, Yerohamu mutabane wa Elieli, Elieli mutabane wa Toa, Toa

Zabbuli 106:16

Olundi nga bali mu kifo ghe baasimba weema dhaibwe, ghaabaagho abantu abaagemerwa Musa ensaalwa, ni Aaroni omugheereza wa Musengwa Katonda omutukuvu.

Zabbuli 99:6

Musa ni Aaroni baali bakabona be, ate Samueli yaaba owundi ku abo abaamusabanga. Abantu abo baaliriranga Musengwa Katonda, yaabaghanga kye baamusabanga.

Okuvaayo 28:36

Agho Musengwa Katonda yaalagira Musa ati: “Era oidha kukola akabaati aka zaabu omukenenule okaghandiikeku ng'oti n'ole asala obumanhiso mu mabaale bw'akola oidha kughandiikaku oti, ‘Yayawulibwa nga wa Musengwa Katonda.’

Okuvaayo 29:44

Ndidha kutukuza alutaari n'Eweema ey'Okwagaananirangamu, era ntukuze ni Aaroni ni batabane be, bampeerezenga nga bakabona.

Okuvaayo 6:20

Amuramu mu kufuna omukazi, yafuna songa we nga bamweta Yokebeda era baazaala abaana abalenzi bano: Aaroni ni Musa. Era yaaghangaala emyaka kikumi n'asatu na musanvu (137).

Abalevi 10:10

Mwawulengagho ebintu ebitukuvu n'ebitali bitukuvu, ebirongoofu n'ebitali birongoofu.

Okubala 18:1

Agho Musengwa Katonda yaakoba Aaroni ati: “Iwe ni batabane bo n'ab'omu kika kyo boonaboona, niimwe mwidha okuvunaanibwanga byonabyona ebinaabanga nga bisobye mu Kifo Ekitukuvu. Aye ebinaabanga nga bisobye mu bwakabona, biidha kuvunaanibwanga iwe ni batabane bo mwenka.

Okubala 26:59

Muka Amuramu oyo yayetebwanga Yokebedi, era nga mughala wa Levi ye yazaalira e Misiri. Amuramu oyo ni mukazi we oyo Yokebedi, n'abaazaala Aaroni, ni Musa, ni mwanhinaibwe Miriamu.

Okubala 3:27

Kohathi yasimukamu Abamuramu, n'Abaizehari, n'Abaheberoni n'Abauzzieli abo n'Abakohathi.

Luka 1:9

akalulu kaamugwaku okwingira mu isinzizo okuniosa obubbaani, ng'empisa ey'obwakabona bwe yali.

Ebikolwa by'Abatume 13:2

Bwe baali nga bagheereza Musengwa era nga basiiba, Mwoyo Mutukuvu yaabakoba ati: “Mundhawulire Barunaba ni Saulo bankolere omulimo gwe mbeeteire.”

Ab'e Roma 1:1

Ninze Paulo omugheereza wa Yesu Kurisito eyayetebwa okuba omutume. Era eyalondebwa Katonda okukobera abantu Amawulire ge Amalungi,

Ab'e Galatia 1:15

Aye Katonda yali yamala ira okuunonda nga nkaali na kuzaalibwa, yandhawula era yantaagho okumukolera omulimo olw'ekisa kye.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

Amateeka Agokubiri 21:5

Ni bakabona Abalevi boona banaajanga, kuba abo Musengwa Katonda waimwe be yalondamu okumugheerezanga, n'okusabiranga abantu enkabi mu liina lye. Era abo n'abasalagho ensonga dh'abakaayana, n'abatuusagainiaku ebiwundu.

Abaheburayi 5:4

Era omuntu tasobola kwegha mwene kitiisa ekyo kya kuba Kabona Mukulu. Aye ayetebwa bwetebwe Katonda ng'oti ni Aaroni bwe yayetebwa.

Okwolekebwa 8:3

Ghaidhagho malaika owundi, yaayemerera gh'alutaari ng'ali n'ekiniokezebwaku obubbaani ekya zaabu, era yaagheebwa obubbaani kamaala abuyimbe n'okusaba kw'abatuukirivu ku alutaari eya zaabu eri gha mberi gh'ekityamo.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.