1 Ebyomubyanda 21:26 - Baibuli Ekibono kya Katonda 2014

²⁶ Era yaazimbira agho Musengwa Katonda alutaari yaaghaayo ebigheebwayo ebyokebwa n'ebigheebwayo olw'okutabagana. Yaasaba Musengwa Katonda, era Musengwa Katonda oyo yaamwiramu ng'asindika omuliro ku alutaari nga guva mu igulu.

1 Ebyomubyanda 21:26 ပူးပေါင်းရင်းမြစ်များ

1 Bakyabazinga 18:24

Olwo imwe mwidha kweta omusambwa gwaimwe, ate nze ndhete Musengwa Katonda. Kale oyo anaasindika omuliro mu kuvugira, nga ni Katonda.” Abantu boonaboona bairamu bati: “Ky'okobye kirungi.”

1 Bakyabazinga 18:38

Agho Musengwa Katonda yaasindika omuliro gwaika, gwayokya ekigheebwayo ekyo n'enku n'amabaale n'eitaka, era gwakaza amaadhi agaali mu lukokonko.

1 Ebyomubyanda 21:27

Agho Musengwa Katonda yaalagira malaika okwiza empiima mu kiruutu kyayo.

2 Ebyomubyanda 3:1

Kyabazinga Daudi, lata wa Solomoni, yali yamala ira okutegeka ekifo eky'okuzimbamu eisinzizo. Ekifo ekyo kyali mu Yerusalemu ku lusozi Moria, Musengwa Katonda ye yamubonekera. Ekifo ekyo, Arunani Omuyebusi kye yakubirangamu engaano.

2 Ebyomubyanda 7:1

Solomoni bwe yamala okusaba kwe, omuliro gwaghanuka okuva mu igulu, gwayokya ebigheebwayo ebyokebwa n'emisengo gwabisaanaigho. N'okumesunkana okw'ekitiisa kya Musengwa Katonda kwabuna eisinzizo eryo.

Zabbuli 51:15

Wo Musengwa Katonda, nhamba ompe okwogera, ndidha kukusaakanga.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.

Okubala 16:50

Endwaire embi bweyalekera agho okwita abantu, Aaroni yaira ye Musa gha mulyango ogw'Eweema ey'Okwagaananirangamu ni Musengwa Katonda.

Abalamuzi 13:20

Enimi edh'omuliro bwe dhaava ku alutaari, ni dhitumbukira ghaigulu, malaika wa Musengwa Katonda yaajiira mu nnimi edho ghaigulu, nga Manoa ni mukazi we babona. Agho Manoa ni mukazi we baakuba amakiryaivu, baakutama n'ebyeni byatuuka ku itaka.

Abalamuzi 6:21

Agho malaika wa Musengwa Katonda yaagalula omwigo gwe yali nagwo mu ngalo, yaagukontesa ghansi ghaagwo ku mamba ni ku migaati egitazimbulukusiibwa. Omuliro gwava mu ibaale, gwayokya emamba n'emigaati. Agho malaika wa Musengwa Katonda yaabulagho.